ഹൈദരാബാദ്: കൊവിഡിനെതിരെ സന്നദ്ധ പ്രവർത്തനങ്ങൾ നടത്തുന്ന ആരോഗ്യപ്രവർത്തരോട് നന്ദിയറിയിച്ച് തെലുങ്കു സൂപ്പർ താരം മഹേഷ് ബാബു. നിസ്വാർത്ഥവും അശ്രാന്തവുമായ പ്രവർത്തനങ്ങളിലൂടെ ജനങ്ങളുടെ സുരക്ഷിതത്വത്തിനായി പ്രവർത്തിക്കുന്ന 'സൂപ്പർഹീറോ'കളാണ് ആരോഗ്യപ്രവർത്തകരെന്നും അവരോട് അപമര്യാദയായി പെരുമാറാതെ അഭിനന്ദിക്കണമെന്നും മഹേഷ് ബാബു ഇൻസ്റ്റഗ്രാമിൽ കുറിച്ചു. ഒപ്പം ആരോഗ്യമേഖലയിൽ ധീരതയോടെ പ്രവർത്തിക്കുന്ന പോരാളികളുടെ കൊളാഷുകളും അദ്ദേഹം പോസ്റ്റിൽ ഉൾപ്പെടുത്തിയിട്ടുണ്ട്.
- " class="align-text-top noRightClick twitterSection" data="
">
"നമ്മളെ സംരക്ഷിക്കാനാണ് അവർ ഇതൊക്കെ ചെയ്യുന്നതെന്ന് മനസിലാക്കണം. ആരോഗ്യപ്രവർത്തകർ ജീവൻ പണയപ്പെടുത്തി പ്രയത്നിക്കുകയാണ്. അതും ഒരു വലിയ യുദ്ധക്കളത്തിൽ, അവർ ഇഷ്ടപ്പെടുന്ന ആളുകളിൽ നിന്നും അകന്നു നിന്നുകൊണ്ട്. അതിനാൽ തന്നെ നമ്മളെ സംരക്ഷിക്കുന്നവരെ സ്‌നേഹത്തോടെ തിരിച്ചും സംരക്ഷിക്കണം, അവരുടെ ത്യാഗത്തെ ബഹുമാനിക്കണം. ഈ ദുഷ്‌കരമായ സമയങ്ങളിൽ നമുക്ക് നൽകാൻ കഴിയുന്ന ഏറ്റവും വലിയ സമ്മാനം സ്നേഹവും സഹാനുഭൂതിയുമാണ്. ഓരോ ആരോഗ്യപ്രവർത്തകനോടും അതിനാൽ തന്നെ മര്യാദയോടും ബഹുമാനത്തോടും പെരുമാറാൻ എല്ലാവരോടും അഭ്യർത്ഥിക്കുന്നു... കാരണം, നമ്മളുടെ യഥാർത്ഥ സൂപ്പർഹീറോകൾ ഇവരാണ്," മഹേഷ് ബാബു ഇൻസ്റ്റഗ്രാമിൽ കൂട്ടിച്ചേർത്തു.
