2020ൽ മലയാളസിനിമക്ക് നഷ്‌ടപ്പെട്ട പ്രതിഭയായിരുന്നു സംവിധായകനും തിരക്കഥാകൃത്തുമായിരുന്ന സച്ചി. സച്ചിയുടെ ഭാര്യ സിജി അദ്ദേഹത്തിനായി പാടിയ ഗാനം പങ്കുവച്ചിരിക്കുകയാണ് സംവിധായിക ആയിഷ സുല്‍ത്താന. തന്‍റെ വിവാഹ വാർഷികത്തിലാണ് സിജി അദ്ദേഹത്തിനൊപ്പമുള്ള നിമിഷങ്ങൾ വീഡിയോയാക്കി അതിന് തന്‍റെ ശബ്‌ദത്തിൽ ഗാനം ആലപിച്ച് ഓർമ പങ്കുവച്ചത്.
- " class="align-text-top noRightClick twitterSection" data="">
'ഇതെന്‍റെ സിജി ചേച്ചി പാടിയതാണ്. ഭൂമിയിൽ നിന്നും ആരും ഒരിക്കലും നമ്മെ വിട്ട് പോവില്ല... അവരുടെ ഓർമകൾ അവർ ചെയ്ത കർമങ്ങൾ ഇന്നും നമ്മൾ ഓർക്കുന്നുണ്ടെങ്കിൽ ഒന്നുറപ്പിച്ചോ അവർ പറയാൻ ബാക്കി വെച്ച കാര്യങ്ങൾ ഇനിയും ഒരുപാട് ഉണ്ട്, ആ തിരിച്ചറിവ് ഒരാളിൽ ഉണ്ടാവുമ്പോൾ ആണ് ആ ബാക്കി വെച്ച കർമങ്ങൾ ഏറ്റെടുത്ത് ചെയ്യാനുള്ള ശക്തി നമ്മിൽ ഉണ്ടാക്കി എടുക്കുന്നത്.
സച്ചി സാർ ബാക്കി വെച്ചിട്ട് പോയ കർമ്മം സിജി ചേച്ചിയിലൂടെ നമ്മിലേക്ക് എത്തും... ഉറപ്പ്...' എന്ന് ആയിഷ വീഡിയോ പങ്കുവച്ചുകൊണ്ട് പറഞ്ഞു. സച്ചിക്കും സിജിക്കും വിവാഹവാർഷിക ആശംസകൾ എന്നും ആയിഷ പോസ്റ്റിനൊപ്പം കുറിച്ചു.
കഴിഞ്ഞ ജൂണ്‍ 18നായിരുന്നു സച്ചി വിടവാങ്ങിയത്. മികച്ച തിരക്കഥകളിലൂടെയും അയപ്പനും കോശിയും പോലെ ഹിറ്റ് ചിത്രങ്ങളുടെ സംവിധാനത്തിലൂടെയും മലയാളത്തിന് സുപരിചിതനായ ചലച്ചിത്രകാരനാണ് സച്ചി.
Also read: എന്‍ജോയി എഞ്ചാമിക്ക് ചുവടുവെച്ച് സാന്യ മല്‍ഹോത്രയും
