നാളുകള്‍ക്ക് ശേഷം ഗായകരായ വിജയ് യേശുദാസും ശ്വേത മോഹനും ചേര്‍ന്ന് ആലപിച്ച പുതിയ ഗാനം എത്തി. കുഞ്ചാക്കോ ബോബന്‍ നായകനായ മോഹന്‍കുമാര്‍ ഫാന്‍സ് എന്ന സിനിമയിലെ മിഴിതരാതെ എന്ന ഗാനമാണ് വിജയ്‌യും ശ്വേത മോഹനും ചേര്‍ന്ന ആലപിച്ചിരിക്കുന്നത്. ഏറെ നാളുകള്‍ക്ക് ശേഷം കേട്ട മനോഹര മെലഡിയെന്നാണ് പാട്ടിനെ കുറിച്ച് പ്രേക്ഷകര്‍ യുട്യൂബില്‍ കുറിച്ചത്. നിരവധി ഫീല്‍ ഡുഡ് സിനിമകള്‍ സംവിധാനം ചെയ്‌ത് ശ്രദ്ധനേടിയ സംവിധായകന്‍ ജിസ് ജോയ്‌ ആണ് മോഹന്‍കുമാര്‍ ഫാന്‍സ് സംവിധാനം ചെയ്‌തിരിക്കുന്നത്. ഒരു റിയാലിറ്റി ഷോയുടെ പശ്ചാത്തലത്തിലാണ് ഗാനം ഒരുക്കിയിരിക്കുന്നത്.
- " class="align-text-top noRightClick twitterSection" data="">
കുഞ്ചാക്കോ ബോബനും പുതുമുഖ നടി അനാര്‍ക്കലിയും ആണ് ഗാനരംഗത്തില്‍ അഭിനയിച്ചിരിക്കുന്നത്. ജിസ് ജോയുടെ വരികള്‍ക്ക് സംഗീതം നല്‍കിയിരിക്കുന്നത് പ്രിന്‍സ് ജോര്‍ജ് ആണ്. സിനിമക്കുള്ളിലെ സിനിമയും വിജയിക്കാതെ പോയ ഒരു നടന്റെ ജീവിത കഥയുമാണ് ചിത്രം പറയുന്നത്. ബോബി-സഞ്ജയ് ടീമിന്റെതാണ് രചന. സിദ്ദിഖ്, ആസിഫ് അലി, വിനയ് ഫോര്‍ട്ട്, മുകേഷ്, ശ്രീനിവാസന്‍, കെപിഎസ്‌സി ലളിത എന്നിവരാണ് മറ്റ് താരങ്ങള്‍. കൊവിഡ് വ്യാപനം മൂലം റിലീസ് നീണ്ടുപോയ സിനിമ ഉടന്‍ തിയേറ്ററുകളിലെത്തും.
