സിനിമാ കാസ്റ്റിങ്ങിലെ തട്ടിപ്പിനെതിരെ ഹ്രസ്വചിത്രവുമായി ഫെഫ്‌ക. വ്യാജ കാസ്റ്റിങ്ങിനെതിരെ ഫെഫ്‌ക ഒരുക്കിയ ആക്‌ട്‌സ്‌മാർട് ലഘു ചിത്രത്തിൽ കുമ്പളങ്ങി നൈറ്റ്‌സ് ഫെയിം അന്ന ബെന്നാണ് മുഖ്യകഥാപാത്രത്തെ അവതരിപ്പിക്കുന്നത്. സിനിമാ കാസ്റ്റിങ്ങിന്‍റെ പേരിൽ ലൈംഗിക ചൂഷണമുൾപ്പടെയുള്ള ആക്രമണങ്ങളുടെ ഇരകളാകാതിരിക്കൂ എന്നാണ് ചിത്രത്തിലൂടെ നൽകുന്ന സന്ദേശം.
- " class="align-text-top noRightClick twitterSection" data="">
ജോമോൻ ടി. ജോൺ സംവിധാനം ചെയ്‌ത ബോധവൽക്കരണ വീഡിയോക്ക് സൂപ്പർതാരം മോഹൻലാൽ ശബ്‌ദ വിവരണം നൽകുന്നു. ചിത്രത്തിന്‍റെ ഛായാഗ്രഹണവും സംവിധായകൻ ജോമോൻ ടി. ജോണാണ് നിർവഹിച്ചിരിക്കുന്നത്. ഷമീർ മുഹമ്മദാണ് എഡിറ്റിങ്ങ്. രാഹുൽ രാജാണ് ഹ്രസ്വചിത്രത്തിന്‍റെ പശ്ചാത്തലസംഗീതം ഒരുക്കിയിരുന്നത്.
