Malayankunju Official trailer : ഫഫദ്‌ ഫാസിലിനെ നായകനാക്കി നവാഗതനായ സജിമോന്‍ പ്രഭാകര്‍ ഒരുക്കുന്ന 'മലയന്‍കുഞ്ഞ്' എന്ന ചിത്രത്തിന്‍റെ ട്രെയ്‌ലര്‍ പുറത്ത്. ഫഹദ് തന്‍റെ ഔദ്യോഗിക ഫേസ്‌ബുക്ക്‌ പേജിലൂടെയാണ് ട്രെയ്‌ലര്‍ പങ്കുവച്ചത്. 2.05 മിനിറ്റ്‌ ദൈര്‍ഘ്യമുള്ളതാണ് ട്രെയ്‌ലര്‍. ഫഹദിന് ഒരു മെക്കാനിക്കിന്‍റെ വേഷമാണെന്നാണ് സൂചന. വ്യത്യസ്‌തമായ കഥാപരിസരവും ദുരൂഹതകളും അവതരിപ്പിക്കുന്നതാണ് ട്രെയ്‌ലര്‍.
AR Rahman Malayalam songs : സംഗീത മാന്ത്രികന്‍ എ.ആര്‍ റഹ്മാനാണ് ചിത്രത്തിന് വേണ്ടി സംഗീതമൊരുക്കുന്നത്. മോഹന്‍ലാല്‍ സിനിമയായ 'യോദ്ധ'ക്ക് വേണ്ടിയാണ് എ.ആര്‍ റഹ്മാന്‍ ആദ്യമായി മലയാള സിനിമയ്‌ക്ക് സംഗീതമൊരുക്കിയത്. ബെന്യാമിന്‍റെ 'ആടുജീവിതം' എന്ന കൃതിയെ അടിസ്ഥാനമാക്കി ബ്ലെസി അതേ പേരില്‍ സംവിധാനം ചെയ്യുന്ന പൃഥ്വിരാജ്‌ ചിത്രത്തിന് വേണ്ടിയും ഈണമിടുന്നത് എ.ആര്‍ റഹ്മാനാണ്.
- " class="align-text-top noRightClick twitterSection" data="">
Malayankunju cast and crew : രജിഷ വിജയനാണ് ചിത്രത്തില്‍ ഫഹദിന്‍റെ നായികയായെത്തുന്നത്. ഇന്ദ്രന്‍സ്‌, ജാഫര്‍ ഇടുക്കി, ദീപക്‌ പറമ്പോല്‍ തുടങ്ങിയവരും ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കും. അര്‍ജു ബെന്‍ ആണ് എഡിറ്റിംഗ്‌. രഞ്ജിത്‌ അമ്പാടി മേക്കപ്പും, ധന്യ ബാലകൃഷ്‌ണന്‍ കോസ്‌റ്റ്യൂം ഡിസൈനിങ്ങും നിര്‍വഹിക്കും. ഫഹദ് ഫാസില്‍ ആന്‍ഡ്‌ ഫ്രണ്ട്‌സ്‌ പ്രൊഡക്ഷന്‍ കമ്പനിയുടെ ബാനറില്‍ നിര്‍മിക്കുന്ന ചിത്രത്തിന്‍റെ വിതരണം സെഞ്ച്വറി റിലീസാണ്.
Fahadh Faasil Mahesh Narayanan Combo : മഹേഷ്‌ നാരായണന്‍ ആണ് തിരക്കഥയും ഛായാഗ്രഹണവും. 'സീ യൂ സൂണ്‍', 'മാലിക്' എന്നീ ചിത്രങ്ങള്‍ക്ക് ശേഷം മഹേഷ്‌ നാരായണനും ഫഹദും ഒന്നിക്കുന്ന ചിത്രം കൂടിയാണ്‌ 'മലയന്‍കുഞ്ഞ്'.
Malayankunju Release : സംവിധായകന്‍ ഫാസില്‍ നിര്‍മിക്കുന്ന ചിത്രം എന്ന പ്രത്യേകതയോടെയാണ് 'മലയന്‍കുഞ്ഞ്' പുറത്തിറങ്ങുക. 2022 ഫെബ്രുവരിയിലാണ് ചിത്രം തിയേറ്റര്‍ റിലീസായി പ്രേക്ഷകര്‍ക്ക് മുമ്പിലെത്തുക.
Also Read : Harbhajan Singh movies : ക്രീസ് വിട്ട ടർബനേറ്റർക്ക് ഇനി സിനിമയോ രാഷ്ട്രീയമോ? ആരാധകർക്ക് ആകാംക്ഷ
