പൃഥ്വിരാജും സുരാജ് വെഞ്ഞാറമൂടും പ്രധാനകഥാപാത്രങ്ങളാകുന്ന പുതിയ ചിത്രം ഡ്രൈവിങ് ലൈസന്‍സിന്‍റെ ടീസര്‍ അണിയറപ്രവര്‍ത്തകര്‍ പുറത്തുവിട്ടു. സൂപ്പര്‍സ്റ്റാര്‍ ഹരീന്ദ്രനെന്ന നടനായാണ് പൃഥ്വി ചിത്രത്തില്‍ വേഷമിടുന്നത്. ഹരീന്ദ്രന്‍റെ കട്ടഫാനായി സുരാജ് വെഞ്ഞാറമൂടും എത്തുന്നു. ലാല്‍ ജൂനിയര്‍ എന്നറിയപ്പെടുന്ന ജീന്‍ പോള്‍ ലാലാണ് ചിത്രത്തിന്‍റെ സംവിധായകന്‍.
- " class="align-text-top noRightClick twitterSection" data="">
മിയ, ദീപ്തി സതി എന്നിവരാണ് നായികമാര്‍. സച്ചിയാണ് ചിത്രത്തിന്‍റെ തിരക്കഥ രചിച്ചിരിക്കുന്നത്. പൃഥ്വിരാജ് പ്രൊഡക്ഷന്‍സും മാജിക് ഫ്രെയിംസും ചേര്‍ന്നാണ് നിര്‍മാണം. ഛായാഗ്രഹണം അലക്‌സ്.ജെ.പുളിക്കല്‍. യക്‌സാന്‍ ഗാരി പെരേരയും നേഹ എസ് നായരും ചേര്‍ന്ന് സംഗീതം ഒരുക്കിയിരിക്കുന്നു. ഈ മാസം ഇരുപതിന് ക്രിസ്‌മസ് റിലീസായി ചിത്രം തീയേറ്ററുകളിലെത്തും.
