മലയാളികള്‍ക്ക് പ്രിയപ്പെട്ട സിനിമകളുടെ ലിസ്റ്റില്‍ എന്നും സ്ഥാനമുള്ള ഒരു ചിത്രമാണ് ലാല്‍ ജോസിന്‍റെ സംവിധാനത്തില്‍ 2006ല്‍ പുറത്തിറങ്ങിയ ക്ലാസ്മേറ്റ്സ്. കോളേജ് കാലഘട്ടവും പ്രണയവും രാഷ്ട്രീയവുമെല്ലാമായിരുന്നു ചിത്രം ചര്‍ച്ചചെയ്തത്. ഇന്നും മുന്‍നിര നടന്മാരുടെ പട്ടികയില്‍ ഉള്‍പ്പെട്ടിരിക്കുന്ന പൃഥ്വിരാജ്, ജയസൂര്യ, ഇന്ദ്രജിത്ത്, നരേന്‍ എന്നിവരായിരുന്നു പ്രധാന കഥാപാത്രങ്ങളായി അന്ന് ചിത്രത്തില്‍ എത്തിയത്. കാവ്യ മാധവന്‍, രാധിക എന്നിവരായിരുന്നു നായികമാര്‍.
- " class="align-text-top noRightClick twitterSection" data="">
കൊവിഡ് 19ന്‍റെ പശ്ചാത്തലത്തില്‍ ഷൂട്ടിങ് തിരക്കുകളെല്ലാം നിര്‍ത്തിവെച്ച് താരങ്ങളെല്ലാം ഇപ്പോള്‍ കുടുംബത്തോടെപ്പം ഹോം ക്വാറന്‍റൈനിലാണ്. ഈ അവസരത്തില്‍ വീണ്ടും വീഡിയോ കോളിലൂടെ ഒരുമിച്ചിരിക്കുകയാണ് ആ ക്ലാസ്മേറ്റ്സുകള്‍. പൃഥ്വിരാജ്, ഇന്ദ്രജിത്ത്, ജയസൂര്യ, നരേന്‍ എന്നിവര്‍ പരസ്പരം കണ്ടതിന്‍റെയും വിശേഷങ്ങള്‍ പങ്കുവെച്ചതിന്‍റെയും വീഡിയോ കോള്‍ ചിത്രം ഇന്ദ്രജിത്താണ് ഫേസ്ബുക്കില്‍ പങ്കുവെച്ചത്. പൃഥ്വിരാജ് പുതിയ സിനിമയുടെ ചിത്രീകരണവുമായി ബന്ധപ്പെട്ട് ജോര്‍ദാനിലാണുള്ളത്. അവിടെ നിന്നാണ് പൃഥ്വി സുഹൃത്തുക്കള്‍ക്കൊപ്പം ചേര്‍ന്നത്. ഇതിനോടകം പോസ്റ്റ് വൈറലായി കഴിഞ്ഞു.
നിരവധി താരങ്ങളാണ് ഹോം ക്വാറന്‍റൈനില്‍ കഴിയുന്നത്. പലരും വിശ്രമവേളകളിലെ വിശേഷങ്ങള്‍ ആരാധകര്‍ക്കായി പങ്കുവെച്ചുകൊണ്ട് എല്ലാ സമൂഹമാധ്യമങ്ങളിലും സജീവമാണ്.
