കാളിദാസ് ചിത്രം അര്‍ജന്‍റീന ഫാന്‍സ് കാട്ടൂര്‍ക്കടവിന് ശേഷം കുഞ്ചാക്കോ ബോബനെ നായകനാക്കി മിഥുന്‍ മാനുവല്‍ തോമസ് ഒരുക്കുന്ന ക്രൈം ത്രില്ലര്‍ അഞ്ചാം പാതിരയുടെ ട്രെയിലര്‍ 21ന് റിലീസ് ചെയ്യും. അടുത്തവര്‍ഷം ആദ്യം ചിത്രം തീയേറ്ററുകളിലെത്തും. ഉണ്ണിമായ പ്രസാദ്, രമ്യാ നമ്പീശന്‍, ശ്രീനാഥ് ഭാസി, ഇന്ദ്രൻസ്, ജിനു ജേക്കബ്, സുധീഷ്, ഹരികൃഷ്ണന്‍, ജാഫര്‍ ഇടുക്കി, അഭിറാം എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ആഷിക്ക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക്ക് ഉസ്മാൻ നിർമ്മിക്കുന്ന ഈ ചിത്രത്തിന്റെ ഛായാഗ്രഹണം ഷൈജു ഖാലിദാണ് നിര്‍വഹിച്ചിരിക്കുന്നത്. സുഷിൻ ശ്യാം സംഗീതം നിർവഹിച്ചിരിക്കുന്നു. വൈറസാണ് കുഞ്ചാക്കോ ബോബന്‍റെതായി അവസാനമായി തീയേറ്ററുകളിലെത്തിയ ചിത്രം.
