Night Drive promotion: കൊച്ചി നഗരത്തിലൂടെ രാത്രി കാറില്‍ യാത്ര ചെയ്യുകയായിരുന്ന അന്ന ബെന്നിനെയും റോഷന്‍ മാത്യുവിനെയും വഴിയില്‍ തടഞ്ഞു. നൈറ്റ്‌ ഡ്രൈവ്‌ സംവിധായകന്‍ വൈശാഖും ടീമുമാണ് അന്നയെയും റോഷനെയും വഴി തടഞ്ഞത്‌. നൈറ്റ്‌ ഡ്രൈവ്‌ പ്രമോഷന്‍റെ ഭാഗമായാണ് ചിത്രത്തിന്‍റെ അണിയറപ്രവര്‍ത്തകര്‍ ഇരുവരെയും വഴിതടഞ്ഞത്‌.
Anna Ben Roshan Mathew in Night Drive: അന്ന ബെന്നും റോഷന്‍ മാത്യുവും കേന്ദ്ര കഥാപാത്രങ്ങളായെത്തുന്ന ഏറ്റവും പുതിയ ചിത്രമാണ് 'നൈറ്റ്‌ ഡ്രൈവ്‌'. 'നൈറ്റ്‌ ഡ്രൈവ്‌' സിനിമയുടെ കഥാപശ്ചാത്തലവുമായി ബന്ധപ്പെടുത്തിയാണ്‌ അണിയറപ്രവര്‍ത്തകര്‍ പ്രമോഷന്‍ സംഘടിപ്പിച്ചത്‌. ചിത്രത്തിലേതു പോലെ തന്നെ ഇരുവരും രാത്രിയില്‍ കൊച്ചി നഗരത്തിലൂടെ വണ്ടിയോടിച്ചു. കാറിനുള്ളില്‍ ഇരുവരും തമ്മില്‍ നടന്ന സംഭാഷണം വിവിധ ക്യാമറകള്‍ ഉപയോഗിച്ച്‌ ഷൂട്ടും ചെയ്‌തു. ഷൂട്ട്‌ ഏതാണ്ട്‌ അവസാനിക്കാറാകുന്ന സമയത്താണ് സംവിധായകന്‍ വൈശാഖ്‌ പ്രത്യക്ഷപ്പെടുന്നത്‌.
വൈശാഖ്‌, തിരക്കഥാകൃത്ത്‌ അഭിലാഷ്‌, നടന്‍ പ്രശാന്ത്‌ അലക്സാണ്ടര് എന്നിവര്‍ ചേര്ന്നാണ് വഴി തടഞ്ഞത്‌. ഇവര്‍ പിന്നീട്‌ റോഷന്‍ മാത്യു, അന്ന ബെന്‍ എന്നിവര്‍ക്കൊപ്പം കാറില്‍ കയറി. എല്ലാവരും ഒന്നിച്ച്‌ ഒരു കഫേയിലെത്തി കേക്ക്‌ മുറിച്ച്‌ മധുരം പങ്കിട്ട ശേഷമാണ് പിരിഞ്ഞത്‌. വളരെ വ്യത്യസ്‌തമായൊരു അനുഭവമാണ് ഇതെന്നും ജീവിതത്തില്‍ ആദ്യത്തെ അനുഭവമാണെന്നും സിനിമയും ഇത്തരത്തില്‍ ഫ്രഷായ ഒന്നാണെന്നും റോഷനും അന്ന ബെന്നും പറഞ്ഞു.
Night Drive cast and crew: ത്രില്ലര്‍ ചിത്രമായി ഒരുങ്ങുന്ന നൈറ്റ്‌ ഡ്രൈവ്‌ ഒരു രാത്രി നടക്കുന്ന കഥയാണ്. മധുരരാജയ്‌ക്ക്‌ ശേഷം വൈശാഖ്‌ സംവിധാനം ചെയ്യുന്ന ചിത്രം കൂടിയാണ് നൈറ്റ്‌ ഡ്രൈവ്‌. ഇന്ദ്രജിത്തും ചിത്രത്തില്‍ പ്രധാന വേഷത്തിലെത്തുന്നു. ഒരു അന്വേഷണ ഉദ്യോഗസ്ഥനായാണ് ഇന്ദ്രജിത്ത്‌ എത്തുന്നത്‌.
Night Drive release: രഞ്ജി പണിക്കര്‍, കലാഭവന്‍ ഷാജോണ്‍, സിദ്ദിഖ്‌, സോഹന്‍ സീനുലാല്‍, കൈലാഷ്‌, ശ്രീവിദ്യ, അലക്സാണ്ടര് പ്രശാന്ത്‌ തുടങ്ങിയവരും ചിത്രത്തില്‍ അണിനിരക്കും. അഭിലാഷ്‌ പിള്ളയുടേതാണ് തിരക്കഥ. ഷാജികുമാര്‍ ആണ് ഛായാഗ്രഹണം. സുനില്‍ എസ്‌.പിള്ളയാണ് എഡിറ്റിങ്‌. രഞ്ജിന്‍ രാജ്‌ ആണ് സംഗീതം. പ്രിയ വേണുവും നീറ്റാ പിന്‍റോയും ചേര്ന്നാണ് നിര്‍മാണം. മാര്‍ച്ച്‌ 11ന്‌ ചിത്രം തിയേറ്ററുകളിലെത്തും.
Also Read: സെല്‍ഫി എടുത്ത്‌ അക്ഷയും ഇമ്രാനും; അറിയിപ്പുമായി താരങ്ങള്‍
