തമിഴകത്തിന്‍റെയും മലയാളിയുടെയും പ്രിയങ്കരിയായ ആൻഡ്രിയ ജെറമിയക്ക് കൊവിഡ് സ്ഥിരീകരിച്ചു. കൊവിഡ് ബാധ കണ്ടെത്തിയതോടെ ആരോഗ്യവിദഗ്ധരുടെ നിർദേശത്താൽ ക്വാറന്‍റൈനിലാണെന്നും താരം അറിയിച്ചു. കഴിഞ്ഞ ആഴ്ചയാണ് തനിക്ക് കൊവിഡ് പോസ്റ്റീവായതെന്നും നടി ഇൻസ്റ്റഗ്രാമിൽ പറഞ്ഞു.
- " class="align-text-top noRightClick twitterSection" data="
">
"താൻ രോഗബാധിതയായിരുന്നതിനാലും രാജ്യം ഇത്തരമൊരു അന്തരീക്ഷത്തിലൂടെ കടന്നുപോകുമ്പോൾ എന്ത് പറയണമെന്ന് അറിയാത്തതിനാലും സമൂഹമാധ്യമങ്ങളിൽ നിന്ന് ഇടവേളയെടുക്കുകയായിരുന്നു." അഭിനയത്തിലേക്ക് കടക്കുന്നതിന് മുമ്പ് ഗായികയായി ജനശ്രദ്ധ നേടിയ ആൻഡ്രിയ പിയാനോ വായിച്ചുകൊണ്ട് പാട്ട് പാടുന്നതും ഇൻസ്റ്റഗ്രാമിലെ വീഡിയോയിൽ കാണാം. എന്ത് പറയണമെന്ന് അറിയാത്ത സാഹചര്യത്തിൽ എന്‍റെ ഹൃദയത്തിനുള്ളിൽ നിന്ന് ഒരു ഗാനം ആലപിക്കുകയാണന്നും ആൻഡ്രിയ പറഞ്ഞു. എല്ലാവരും സുരക്ഷിതരായി ഇരിക്കാനും ഈ സമയവും കടന്നുപോകുമെന്ന പ്രതീക്ഷയും താരം പങ്കുവച്ചു.
Also Read: അതിഥി തൊഴിലാളികൾക്ക് അന്നം നൽകാൻ പെറ്റയുമായി ചേർന്ന് സണ്ണി ലിയോണി
നടനും സംവിധായകനുമായ സുന്ദർ സി ഒരുക്കുന്ന അരമനൈ 3 ആണ് നടിയുടെ ഏറ്റവും പുതിയ സിനിമ. വിജയ്- ലോകേഷ് കനകരാജ് ചിത്രം മാസ്റ്ററായിരുന്നു ആൻഡ്രിയയുടെ ഒടുവിൽ റിലീസിനെത്തിയ ചിത്രം.
