കഴിഞ്ഞ ദിവസം മുതല്‍ സോഷ്യല്‍ മീഡിയയില്‍ നിറയുന്നത് ദൃശ്യം 2വിന്‍റെ തൊടുപുഴയിലെ സെറ്റിലേക്കുള്ള താരരാജാവ് മോഹന്‍ലാലിന്‍റെ വരവാണ്. കെഎല്‍ 07 സിയു 2020 നമ്പറിലുള്ള ടൊയോട്ട വെല്‍ഫെയര്‍ ആഢംബര കാറില്‍ സ്റ്റൈലിഷായി വന്നിറങ്ങുന്ന താരത്തിന്‍റെ വീഡിയോ അടിപൊളി ബീജിയവുമായി ചേര്‍ത്തുവെച്ചാണ് താരത്തിന്‍റെ ആരാധകരുടെ പേജുകളില്‍ പ്രചരിക്കുന്നത്. കേരളത്തില്‍ ആദ്യം ടൊയോട്ട വെല്‍ഫെയര്‍ കാര്‍ സ്വന്തമാക്കിയ വ്യക്തി കൂടിയാണ് മോഹന്‍ലാല്‍. കറുത്ത കളര്‍ ജീന്‍സും ഇറ്റാലിയന്‍ ലക്ഷ്വറി ക്ലോത്തിംഗ് ബ്രാന്‍ഡ് പോള്‍ ആന്‍ഡ് ഷാര്‍ക്കിന്‍റെ വെള്ള നിറത്തിലുള്ള ഷര്‍ട്ടും കറുത്ത മാസ്‌കുമായിരുന്നു മോഹന്‍ലാല്‍ ധരിച്ചിരുന്നത്. ബ്ലാക്ക് ആന്‍റ് വൈറ്റ് കോമ്പിനേഷനില്‍ സ്റ്റൈലിഷാണ് ലാലേട്ടന്‍.
-
Trending !!! 😎🔥#Drishyam2 #Mohanlal #Lalettan pic.twitter.com/FxWigaXPCJ
— TEAM LMFC (@MohanlalLMFC) October 10, 2020 " class="align-text-top noRightClick twitterSection" data="
">Trending !!! 😎🔥#Drishyam2 #Mohanlal #Lalettan pic.twitter.com/FxWigaXPCJ
— TEAM LMFC (@MohanlalLMFC) October 10, 2020Trending !!! 😎🔥#Drishyam2 #Mohanlal #Lalettan pic.twitter.com/FxWigaXPCJ
— TEAM LMFC (@MohanlalLMFC) October 10, 2020
ദൃശ്യം 2 പ്രഖ്യാപിച്ചപ്പോള്‍ മുതല്‍ സിനിമാപ്രേമികളെല്ലാം ആകാംഷയിലാണ്. അടുത്തിടെ ചിത്രത്തിന്‍റെ പൂജ ഫോട്ടോകളും ജോര്‍ജുകുട്ടിയുടെയും കുടുംബത്തിന്‍റെയും ഫാമിലി ഫോട്ടോയുമെല്ലാം സോഷ്യല്‍ മീഡിയയില്‍ വൈറലായിരുന്നു. ജീത്തു ജോസഫ് തന്നെയാണ് ദൃശ്യത്തിന്‍റെ രണ്ടാംഭാഗവും സംവിധാനം ചെയ്യുന്നത്. ആന്‍റണി പെരുമ്പാവൂരാണ് സിനിമ നിര്‍മിക്കുന്നത്. 2013ല്‍ റിലീസ് ചെയ്‌ത ദൃശ്യം വലിയ ഹിറ്റായിരുന്നു.
