ഇതിലും മികച്ച മറുപടിയില്ല; ഷാനിന്‍റെ പോസ്റ്റിന് പ്രശംസയുമായി വിനീത്

ഹൃദയത്തിന്‍റെ സംഗീതം ചെയ്യുന്ന ഹിഷാം അബ്ദുല്‍ വഹാബിന് പ്രതിഭ തെളിയിക്കാൻ നല്ലൊരു സിനിമ ആവശ്യമാണെന്നും ഇതുപോലെ പുതുമുഖങ്ങൾക്ക് അവസരം നൽകാൻ താനും വിനീതുമൊക്കെ പലപ്പോഴും ശ്രമിക്കാറുണ്ടെന്നുമാണ് ഷാൻ റഹ്‌മാൻ ഫേസ്‌ബുക്കിലൂടെ അറിയിച്ചത്.

ശ്രീനിവാസൻ- മോഹൻലാൻ- പ്രിയദർശൻ ത്രയത്തിലൂടെ മലയാളസിനിമയിൽ ഒരുപാട് ഹിറ്റുകൾ പിറന്നിട്ടുണ്ട്. ഇവരുടെ രണ്ടാം തലമുറയും സിനിമക്ക് വേണ്ടി കൈകോർക്കുകയാണ് 'ഹൃദയം' എന്ന ചിത്രത്തിലൂടെ. പ്രണവ് മോഹൻലാലും കല്യാണി പ്രിയദർശനും നായികാ നായകന്മാരാവുന്ന ചിത്രം സംവിധാനം ചെയ്യുന്ന പുതിയസിനിമയെക്കുറിച്ച് വിനീത് ശ്രീനിവാസൻ തന്നെയാണ് ഫേസ്‌ബുക്കിലൂടെ പങ്കുവച്ചത്. എന്നാൽ, ഹൃദയത്തിലെന്തുകൊണ്ട് ഷാൻ റഹ്‌മാൻ സംഗീതം ചെയ്യുന്നില്ല എന്നതായിരുന്നു സമൂഹ മാധ്യമങ്ങളിൽ ചർച്ചയായത്. വിനീതും ഷാനും തമ്മിൽ അടിച്ചുപിരിഞ്ഞോ എന്ന് വരെയുള്ള വാർത്തകൾ പ്രചരിച്ചിരുന്നു. എന്നാൽ, സംഗീത സംവിധായകൻ ഷാൻ റഹ്‌മാൻ കഴിഞ്ഞ ദിവസം ഇതിന് മറുപടിയുമായെത്തിയിരുന്നു. ഹൃദയത്തിന്‍റെ സംഗീതം ചെയ്യുന്ന ഹിഷാം അബ്ദുല്‍ വഹാബിന് പ്രതിഭ തെളിയിക്കാൻ നല്ലൊരു സിനിമ ആവശ്യമാണെന്നും ഇതുപോലെ പുതുമുഖങ്ങൾക്ക് അവസരം നൽകാൻ താനും വിനീതുമൊക്കെ പലപ്പോഴും ശ്രമിക്കാറുണ്ടെന്നുമാണ് ഷാൻ ഫേസ്‌ബുക്ക് പോസ്റ്റിലൂടെ അറിയിച്ചത്.

• " class="align-text-top noRightClick twitterSection" data="">

തന്‍റെ സുഹൃത്തിന്‍റെ പോസ്റ്റിന് പ്രശംസ അറിയിച്ചുകൊണ്ട് വിനീതും എത്തിയിരിക്കുകയാണ്. ഷാൻ ഏറ്റവും മികച്ച രീതിയിൽ തന്നെ മറുപടി നൽകിയെന്നും ഇരുവരും പരസ്‌പരം നന്നായി മനസ്സിലാക്കുന്ന അവസ്ഥയിലെത്തിയതിനാൽ തന്നെ ഇത്തരം തീരുമാനങ്ങൾ എടുക്കുന്നതിൽ പ്രശ്‌നങ്ങളില്ലെന്നും വിനീത് ഫേസ്‌ബുക്കിൽ കുറിച്ചു.

• " class="align-text-top noRightClick twitterSection" data="">

വിനീതും താനും തമ്മിലുള്ളത് സിനിമക്ക് അതീതമായ സൗഹൃദമാണെന്നും കുഞ്ഞേൽദൊ കമ്പോസ് ചെയ്യുന്നതിനിടയിൽ ഞങ്ങൾ‌ കണ്ടുമുട്ടിയിരുന്നെന്നുമാണ് ഷാൻ പോസ്റ്റിൽ കുറിച്ചത്. "ഹൃദയം, 'ലവ് ആക്ഷൻ ഡ്രാമ', ഹെലൻ, കുഞ്ഞേൽദൊ എന്നിവർക്കുള്ള രചനകൾ ഒരേസമയം സംഭവിച്ചു. നാല് സിനിമകളിലും വിനീത് ഭാഗമായിരുന്നു. കന്നി സംവിധായകർക്ക് എന്‍റെ പിന്തുണ വളരെ ആവശ്യമായിരുന്നു. ധ്യാൻ, മാത്തുക്കുട്ടി സേവ്യർ, ആർ‌ജെ മാത്തുക്കുട്ടി എന്നിവർ. ഹൃദയത്തിന്റെ സംഗീതം ഹിഷാം ചെയ്യും. ഞങ്ങൾ അവനെ സ്നേഹിക്കുന്നു. ആവശ്യമെങ്കിൽ ഹിഷാമിന് എന്റെ സ്റ്റുഡിയോ ഉപയോഗിക്കാൻ അനുവദിക്കണമെന്ന് ഞാൻ വിനീതിനോട് ആവശ്യപ്പെട്ടിട്ടുണ്ട്," ഷാൻ പറയുന്നു.