പിറന്നാള്‍ നിറവില്‍ ശാലിനി അജിത് (Shalini Ajith). ഒരു കാലത്ത് മലയാളത്തിന്‍റെ സ്വന്തം മാമാട്ടി കുട്ടി ആയിരുന്നു ശാലിനി. മാമാട്ടിക്കുട്ടിയമ്മ, ബേബി ശാലിനി (Baby Shalini) എന്നിങ്ങനെ ഓമനപ്പേരുകള്‍ നിരവധിയായിരുന്നു ശാലിനിക്ക്. ശാലിനിക്ക് ഇന്ന് 41ാം ജന്മദിനമാണ് (Shalini birthday). മലയാളത്തിലും തെന്നിന്ത്യയിലും ഒരുപോലെ ആരാധകരുള്ള താരമാണ് ശാലിനി. ശാലിനിയുടെ ഈ പിറന്നാള്‍ ആഘോഷമാക്കി മാറ്റിയിരിക്കുകയാണ് ആരാധകര്‍.
1980 നവംബര്‍ 20ന് ചെന്നൈലായിരുന്നു ജനനം. സംവിധായകന്‍ ഫാസിലാണ് (Fazil) ശാലിനിയെ മലയാള സിനിമയ്‌ക്ക് പരിചയപ്പെടുത്തുന്നത്. ഫാസില്‍ സംവിധാനം ചെയ്‌ത 'എന്‍റെ മാമാട്ടിക്കുട്ടിയമ്മയ്‌ക്ക്' (Ente Mamattukkuttiyammakku) (1983) എന്ന ചിത്രത്തിലൂടെ ശാലിനി വെള്ളിത്തിരയില്‍ അരങ്ങേറ്റം കുറിക്കുമ്പോള്‍ കുഞ്ഞ് ശാലിനിക്ക് അന്ന് വയസ് മൂന്ന്. ഈ ചിത്രത്തിലൂടെ മികച്ച ബാലതാരത്തിനുള്ള (best child actor) സംസ്ഥാന സര്‍ക്കാരിന്‍റെ അവാര്‍ഡും കുഞ്ഞ് ശാലിനിക്ക് ലഭിച്ചിരുന്നു.
ഒറ്റ സിനിമയിലൂടെ മലയാളികളുടെ ഹൃദയം കവര്‍ന്ന ആ മൂന്ന് വയസുകാരി പിന്നീട് മലയാള സിനിമയുടെ അഭിവാജ്യഘടകമായി മാറി. പിന്നീട് 'ചക്കരയുമ്മ' (Chakkarayumma), 'സന്ദര്‍ഭം' (Sandarbham), 'മുഹൂര്‍ത്തം പതിനൊന്ന് മുപ്പത്' (Muhurtham Pathnonnu Muppathinu) തുടങ്ങീ സിനിമകളില്‍ തിളങ്ങിയ ബേബി ശാലിനി തമിഴിലും ധാരാളം സിനിമകളില്‍ വേഷമിട്ടിരുന്നു.
പഠനത്തിനായി 1990ല്‍ സിനിമയില്‍ നിന്നും വിട്ടുനിന്ന താരം പിന്നീട് 1997ല്‍ ഫാസിലിന്‍റെ തന്നെ അനിയത്തിപ്രാവിലൂടെ (Aniyathipraavu) വീണ്ടും വെള്ളിത്തിരയില്‍ തിരിച്ചെത്തിയതിനൊപ്പം തന്‍റേതായൊരിടവും സ്വന്തമാക്കി. പിന്നീട് 2001വരെ മലയാളം ഉള്‍പ്പെടെ തമിഴിലും താരം സജീവമായിരുന്നു.
1999ല്‍ അമര്‍ക്കളം (Amarkalam) എന്ന ചിത്രത്തിലൂടെ അജിത്തിന്‍റെ നായികയായി വേഷമിട്ടതോടെ ഇരുവരും ജീവിതത്തിലും ഒന്നിക്കാന്‍ തീരുമാനിക്കുകയായിരുന്നു. 2000ലായിരുന്നു ഇരുവരുടെയും വിവാഹം. ഇരുവര്‍ക്കുമായി രണ്ട് മക്കളുണ്ട്. വിവാഹത്തോടെ അഭിനയ ജീവിതത്തോട് വിടപറയുകയായിരുന്നു ശാലിനി.
Also Read: Bheemante Vazhi Song | Kunchacko Boban | 'കാറ്റത്തൊരുത്തി'യുമായി ചാക്കോച്ചനും ചെമ്പന്‍ വിനോദും
