സെയ്ഫ് അലിഖാൻ നായകനാകുന്ന ബിഗ് ബജറ്റ് ചിത്രം ലാൽ കപ്താന്‍റെ ട്രെയിലർ പുറത്തിറങ്ങി. ഹിമാലയന്‍ ഗുഹകളിലും മറ്റും ഏകാന്തവാസം നയിക്കുന്ന അഘോരിയായാണ് സെയ്ഫ് അലി ഖാന്‍ ചിത്രത്തില്‍ അഭിനയിക്കുന്നത്. എൻ.എച്ച്. 10 ഒരുക്കിയ നവദീപ് സിങ് ആണ് ചിത്രത്തിന്‍റെ സംവിധാനം നിര്‍വഹിക്കുന്നത്. രണ്ട് ഭാഗങ്ങളായാകും ചിത്രം എത്തുക.
സിനിമയുടെ ആദ്യ ഭാഗത്തിന്‍റെ ട്രെയിലറാണ് ഇപ്പോൾ പുറത്തുവന്നിരിക്കുന്നത്. ലാൽ കപ്താൻ –ദ് ഹണ്ട് എന്നാണ് ആദ്യ ഭാഗത്തിന്‍റെ പേര്. ഇറോസ് ഇന്‍റർനാഷണലും കളർ യെല്ലോ പ്രൊഡക്ഷനും ചേർന്നാണ് ചിത്രം നിർമിക്കുന്നത്. സോയ ഹുസൈൻ, മാനവ് വിജ് തുടങ്ങിയവരാണ് ലാല്‍ കാപ്‌താനിലെ മറ്റ് താരങ്ങൾ. നാഗ സന്യാസിയുടെ പ്രതികാര കഥയാണ് ചിത്രം ചര്‍ച്ചചെയ്യുന്നത്. ഒക്ടോബർ 11-ന് പുറത്തിറങ്ങുമെന്നറിയിച്ചിരുന്ന ചിത്രത്തിന്‍റെ റിലീസ് 18-ലേക്ക് മാറ്റിയിട്ടുണ്ട്.
- " class="align-text-top noRightClick twitterSection" data="">
