കമൽഹാസനെക്കുറിച്ചുള്ള വിവാദ പരാമർശം; വിഷയം വളച്ചൊടിക്കുകയാണെന്ന് ലോറൻസ്

ഓഡിയോ ലോഞ്ചിന് ശേഷമുള്ള വീഡിയോ മുഴുവനും കാണാതെയാണ് പലരും പ്രതികരിച്ചതും വിഷയം വഷളാക്കിയതെന്നും പറഞ്ഞുകൊണ്ട് പരിപാടിയുടെ വീഡിയോയും ഉൾപ്പെടുത്തി രാഘവ ലോറൻസ് ട്വീറ്റ് ചെയ്‌തു.

ഉലകനായകൻ കമൽഹാസനെതിരെയുള്ള പരാമാർശത്തിൽ വ്യക്തത വരുത്തി തമിഴ്‌താരം രാഘവ ലോറൻസ്. തലൈവർ ചിത്രം ദർബാറിന്‍റെ ഓഡിയോ ലോഞ്ച് വേദിയിലായിരുന്നു കാഞ്ചന ഫെയിം രാഘവ ലോറൻസ് കമല്‍ഹാസനെക്കുറിച്ചുള്ള വിവാദപരമായ പരാമർശം നടത്തിയത്. കുട്ടിക്കാലത്ത് താൻ കമൽഹാസന്‍റെ പോസ്റ്ററുകളിൽ ചാണകം പൂശിയിരുന്നുവെന്നാണ് ലോറൻസ് പറഞ്ഞത്. താരത്തിന്‍റെ പ്രസ്‌താവനക്ക് പിറകേ സമൂഹമാധ്യമങ്ങളിലും അതുപോലെ ആരാധകരിൽ നിന്നും കടുത്ത വിമർശനങ്ങൾ ഉയർന്നു. ഇതിനെത്തുടന്നാണ് വേദിയിൽ താൻ പറഞ്ഞതിന്‍റെ സാരാംശമെന്തെന്ന് കുറിച്ചുകൊണ്ട് ലോറൻസ് ട്വീറ്റ് ചെയ്‌തത്.

• Watch the full video of My speech at Darbar audio launchhttps://t.co/PdvI3FZ2YR pic.twitter.com/7eOJH5Zag5

  — Raghava Lawrence (@offl_Lawrence) December 7, 2019 " class="align-text-top noRightClick twitterSection" data="

  Watch the full video of My speech at Darbar audio launchhttps://t.co/PdvI3FZ2YR pic.twitter.com/7eOJH5Zag5

  — Raghava Lawrence (@offl_Lawrence) December 7, 2019

  ">

  Watch the full video of My speech at Darbar audio launchhttps://t.co/PdvI3FZ2YR pic.twitter.com/7eOJH5Zag5

  — Raghava Lawrence (@offl_Lawrence) December 7, 2019

"കട്ട രജനീ ആരാധകനായ താൻ കുട്ടിക്കാലത്ത് കമൽഹാസന്‍റെ പോസ്റ്ററുകളിൽ ചാണകം തേക്കുകവരെ ചെയ്‌തെന്നുള്ളത് ശരിയാണ്. എന്നാൽ, ഇരുവരെയും ഒരുമിച്ച് കാണുന്നതിൽ തനിക്ക് ഏറെ സന്തോഷമുണ്ട്. കമൽ സാറിനോടെനിക്ക് ബഹുമാനമാണ്. സാധാരണ താനെന്തെങ്കിലും തെറ്റ് ചെയ്‌തതായി തോന്നിയാൽ അവരോട് ക്ഷമ ചോദിക്കാറുണ്ട്. പക്ഷേ, ഇവിടെ അത്തരത്തിൽ ഒരു തെറ്റുണ്ടായതായി എനിക്ക് തോന്നുന്നില്ല." വീഡിയോ മുഴുവനും കാണാതെയാണ് പലരും പ്രതികരിച്ചതും വിഷയം ഇത്ര വഷളാക്കിയതെന്നും അദ്ദേഹം ട്വിറ്ററിൽ കുറിച്ചു.