അക്ഷയ് കുമാറിന്‍റെ രക്ഷാബന്ധനും പ്രഭാസ് നായകനാകുന്ന ആദിപുരുഷും ഒരേ ദിവസം റിലീസിനെത്തുന്നു. 2022 ഓഗസ്റ്റ് 11നാണ് ഇരു സിനിമകളും തിയേറ്ററുകളിലെത്തുക.
കഴിഞ്ഞ വർഷത്തെ ബ്ലോക്ക്ബസ്റ്റർ ചിത്രം 'തൻഹാജി: ദി അൺസങ് വാരിയർ' എന്ന ചിത്രത്തിന് ശേഷം ഓം റാവത്ത് സംവിധാനം ചെയ്യുന്ന ചിത്രമാണ് ആദിപുരുഷ്. പ്രഭാസിനൊപ്പം ചിത്രത്തിൽ സെയ്‌ഫ് അലി ഖാൻ, കൃതി സനോൺ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
Also Read: കൊവിഡിന് ശേഷം കേരള ടൂറിസം; മുഹമ്മദ് റിയാസുമായി ആശയങ്ങൾ പങ്കുവച്ച് മോഹൻലാൽ
ആനന്ദ് എൽ.റായ് സംവിധാനം ചെയ്യുന്ന രക്ഷാബന്ധൻ എന്ന ചിത്രത്തിന്‍റെ തിരക്കഥ ഒരുക്കിയിരിക്കുന്നത് ഹിമാൻഷു ശർമയും കനിക ദില്ലനും ചേർന്നാണ്. സഹേജ്‌മീൻ, ദീപിക ഖന്ന, സാദിയ ഖതീബ്, സ്മൃതി ശ്രീകാന്ത് എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്‌.
ടോയ്‌ലറ്റ് : ഏക് പ്രേം കഥ എന്ന ചിത്രത്തിൽ അക്ഷയ് കുമാറിനൊപ്പം അഭിനയിച്ച ഭൂമി പെഡ്നേക്കറും ചിത്രത്തിൽ പ്രധാനവേഷം കൈകാര്യം ചെയ്യുന്നുണ്ട്.
