ബാഹുബലിയിലെ ഗാനരംഗത്തിലെ നൃത്തച്ചുവടുകളിലൂടെയും ദിൽബർ ഗാനത്തിലൂടെയും പ്രേക്ഷകരുടെ പ്രിയങ്കരിയായ താരമാണ് നോറ ഫത്തേഹി. മൊറോക്കൻ- കനേഡിയൻ നർത്തകിയും മോഡലും നടിയുമായ താരത്തിന് ഇന്ത്യൻ സിനിമാലോകത്തും നിരവധി ആരാധകരാണുള്ളത്. ഹിന്ദി, മലയാളം, തെലുങ്ക്, തമിഴ് തുടങ്ങിയ ഭാഷകളിൽ അഭിനയിച്ച നോറ പുതിയതായി സമൂഹമാധ്യമങ്ങളിൽ പങ്കുവെച്ച ചിത്രമാണ് തരംഗമാകുന്നത്.
- " class="align-text-top noRightClick twitterSection" data="
">
തിളക്കമുള്ള വസ്ത്രമണിഞ്ഞ് കില്ലർ ലുക്കിലുള്ള ഫോട്ടോയാണ് താരം ഇൻസ്റ്റഗ്രാം പോസ്റ്റിലൂടെ പുറത്തുവിട്ടത്. പോസ്റ്റിൽ നിങ്ങൾക്കും ഇങ്ങനെ ചെയ്യാനാകില്ലെന്ന് നടി ആരാധകരെ വെല്ലുവിളിക്കുന്നുമുണ്ട്. "നനഞ്ഞ മുടി, തിളക്കമാർന്ന ചർമ്മം... നിങ്ങൾക്കും ഇങ്ങനെ ചെയ്യാനാകുമെന്ന് ഞാൻ കരുതുന്നില്ല" എന്നും നോറ പോസ്റ്റിനൊപ്പം എഴുതിയിട്ടുണ്ട്. ഇൻസ്റ്റഗ്രാമിൽ 20 മില്യൺ ഫോളോവേഴ്‌സുള്ള നടിയുടെ പോസ്റ്റിന് ഗംഭീര പ്രതികരണമാണ് ലഭിക്കുന്നത്.
ബാഹുബലി, കിക്ക് 2, സത്യമേവ ജയതേ ചിത്രങ്ങളിലെ ഗാനങ്ങൾക്ക് യൂട്യൂബിൽ ദശലക്ഷക്കണക്കിന് കാഴ്‌ചക്കാരാണുള്ളത്. അജയ് ദേവ്ഗൺ നായകനാകുന്ന ഭുജ്: ദി പ്രൈഡ് ഓഫ് ഇന്ത്യയാണ് നോറ ഫത്തേഹിയുടെ അടുത്ത ചിത്രം.
