തബു, നസീറുദ്ദിൻ ഷാ, അർജുൻ കപൂർ, കൊങ്കണസെൻ ശർമ, രാധിക മദൻ, കുമുദ് മിശ്ര, ശാർദുൽ ഭരദ്വാജ് എന്നിങ്ങനെ ബോളിവുഡിലെ പ്രമുഖ താരനിര ഒന്നിക്കുന്ന പുതിയ ചിത്രമാണ് 'കുത്തെ'. പ്രശസ്‌ത ബോളിവുഡ് സംവിധായകനും സംഗീതജ്ഞനുമായ വിശാൽ ഭരദ്വാജിന്‍റെ മകൻ ആസ്‌മാൻ ഭരദ്വാജ് സംവിധായകനായി തുടക്കം കുറിക്കുന്ന ചിത്രമാണിത്.
ത്രില്ലർ ചിത്രവുമായി ആസ്‌മാൻ ഭരദ്വാജ്
കുത്തെയുടെ വേറിട്ട ഫസ്റ്റ് ലുക്ക് പോസ്റ്ററും മോഷൻ പോസ്റ്ററും പുറത്തുവിട്ടുകൊണ്ടാണ് സിനിമ പ്രഖ്യാപിച്ചത്. കുത്തെയിലെ താരങ്ങൾക്ക് നായ്‌ക്കളുടെ മുഖങ്ങൾ നൽകിയാണ് പോസ്റ്റർ അവതരിപ്പിച്ചിട്ടുള്ളത്. ചിത്രത്തിൽ തബു പൊലീസ് കഥാപാത്രത്തെ അവതരിപ്പിക്കുമെന്നാണ് സൂചന. വീൽചെയറിലിരിക്കുന്ന ഒരു വയോധികന്‍റെ വേഷത്തിലാണ് നസീറുദ്ദിൻ ഷാ പ്രത്യക്ഷപ്പെടുന്നത്.
- " class="align-text-top noRightClick twitterSection" data="
">
ആസ്‌മാനും അച്ഛൻ വിശാലും ചേർന്നാണ് ചിത്രത്തിന്‍റെ കഥ ഒരുക്കുന്നത്. വിശാൽ ഭരദ്വാജിന്‍റെ 7 ഖൂൺ മാഫ്, പടാഖാ സിനിമകളിൽ ആസ്‌മാൻ അസിസ്റ്റന്‍റായി പ്രവർത്തിച്ചിട്ടുണ്ട്. മലയാള ചിത്രം ദയയുടെ സംഗീതസംവിധായകനായി മലയാളിക്കും സുപരിചിതനാണ് വിശാൽ ഭരദ്വാജ്.
Also Read: നസറുദ്ദീൻ ഷാ, കൊങ്കണ സെൻ, സുപ്രിയ പഥക്; ഉത്തരേന്ത്യൻ കുടുംബത്തിലൂടെ സീമ പഹ്വയുടെ ചിത്രം
ലവ് ഫിലിംസിന്‍റെ ബാനറിൽ ലവ് രഞ്ജൻ, വിശാൽ ഭരദ്വാജ്, അങ്കുർ ഗാർഗ്, രേഖ ഭരദ്വാജ് എന്നിവർ ചേർന്ന് ചിത്രം നിർമിക്കുന്നു. ടി സീരീസാണ് അവതരണം. കുത്തെ ഇപ്പോൾ പ്രീ- പ്രൊഡക്ഷൻ വർക്കുകളിൽ ആണെന്നും 2021 അവസാനത്തോടെ ചിത്രീകരണത്തിലേക്ക് കടക്കുമെന്നുമാണ് റിപ്പോർട്ടുകൾ.
