Katrina Vicky first valentine day plans: ബോളിവുഡിന്‍റെ ക്യൂട്ട്‌ കപ്പിള്‍സ്‌ കത്രീന കെയ്‌ഫിന്‍റെയും വിക്കി കൗശലിന്‍റെയും ആദ്യ വാലന്‍ന്‍റൈന്‍സ്‌ ദിനം ആണ് വരാനിരിക്കുന്നത്‌. കഴിഞ്ഞ ഡിസംബറില്‍ വിവാഹിതരായ ഇരുവരുടെയും ആദ്യ വാലന്‍ന്‍റൈസ്‌ ദിനാഘോഷം കാണാനുള്ള കാത്തിരിപ്പിലാണ് ആരാധകര്‍.
Salman Khan's Tiger 3 shoot: എന്നാല്‍ സല്‍മാന്‍ ഖാന്‍ ചിത്രം 'ടൈഗര്‍ 3' ന്‍റെ ചിത്രീകരണം കത്രീന-വിക്കി വാലന്‍ന്‍റൈന്‍സ്‌ ദിനാഘോഷത്തെ തടസ്സപ്പെടുത്തിയേക്കാം. 'ടൈഗര്‍ 3'യില്‍ കത്രീന കെയ്‌ഫാണ് സല്‍മാന്‍ ഖാന്‍റെ നായികയായെത്തുന്നത്‌. ഇരുവരും ഒന്നിച്ചുള്ള ചിത്രത്തിന്‍റെ അവസാന ഷെഡ്യൂളിന്‍റെ ചിത്രീകരണം ജനുവരിയില്‍ നടത്തേണ്ടതായിരുന്നു. എന്നാല്‍ രാജ്യത്ത്‌ കൊവിഡ്‌ കേസുകള്‍ വര്‍ധിച്ചു വന്ന സാഹചര്യത്തില്‍ ചിത്രത്തിന്‍റെ ഡല്‍ഹി ഷെഡ്യൂള്‍ റദ്ദാക്കിയിരുന്നു.
Tiger 3 last schedule: അണിയറപ്രവര്‍ത്തകര്‍ ചിത്രത്തിന്‍റെ പുതിയ ഷെഡ്യൂള്‍ തീയതി തീരുമാനിച്ചതായാണ് പുതിയ റിപ്പോര്‍ട്ടുകള്‍. ഫെബ്രുവരി പകുതിയോടെ 'ടൈഗര്‍ 3'യുടെ അവസാന ഘട്ട ചിത്രീകരണം ആരംഭിക്കാനാണ് അണിയറപ്രവര്‍ത്തകര്‍ പദ്ധതിയിടുന്നത്‌. 15 ദിവസത്തെ ഷെഡ്യൂളാണ് അവസാന ഘട്ട ചിത്രീകരണത്തിനായി നിശ്ചയിച്ചിരിക്കുന്നത്‌. ചിത്രത്തിലെ ചേസ് സീക്വന്‍സുകളിലാണ് അവസാന ഘട്ട ഷെഡ്യൂള്‍ ഫോക്കസ്‌ ചെയ്യുന്നത്‌.
മനീഷ് ശർമ ആണ് 'ടൈഗര്‍ 3' യുടെ സംവിധായകൻ. റിപ്പോര്‍ട്ടുകള്‍ പ്രകാരം ചിത്രത്തിലെ ചില ആക്ഷൻ രംഗങ്ങൾ ഡൽഹിയിലെ തെരുവുകളിൽ ചിത്രീകരിക്കാനാണ് സംവിധായകന്‍റെ ആഗ്രഹം. ചെങ്കോട്ട ഉള്‍പ്പെടെ നഗരത്തിലെ ചില ചരിത്രപരമായ സ്ഥലങ്ങളും സല്‍മാന്‍ ചിത്രത്തിന്‍റെ ലൊക്കേഷനാകും. കഴിഞ്ഞ രണ്ട്‌ വര്‍ഷങ്ങളിലായി ചെയ്‌തത്‌ പോലെ കൊവിഡ്‌ സുരക്ഷാ മാനദണ്ഡങ്ങള്‍ പാലിച്ചു കൊണ്ടാകും ചിത്രീകരണമെന്നാണ് നിര്‍മാതാക്കള്‍ ഉറപ്പു നല്‍കുന്നത്‌.
ഫെബ്രുവരി 14ന് 'ടൈഗര്‍ 3' ഷൂട്ടിംഗ് ആരംഭിക്കുമെന്നാണ് റിപ്പോര്‍ട്ടുകള്‍. സൽമാനും കത്രീനയും ഫെബ്രുവരി 12 നോ, ഫെബ്രുവരി 13നോ ഡൽഹിയിലേക്ക് പോകുമെന്നാണ്‌ പ്രതീക്ഷ.
ഡൽഹിയിൽ നടക്കുന്ന 15 ദിവസത്തെ ഷെഡ്യൂളിന് മുമ്പ് ഫെബ്രുവരി 5 മുതൽ സിനിമയുടെ ചിത്രീകരണം പുനരാരംഭിക്കുമെന്നും റിപ്പോർട്ടിൽ പറയുന്നു. മുംബൈയിലെ ഒരു സ്‌റ്റുഡിയോയില്‍ വെച്ച്‌ ചിത്രത്തിലെ സല്‍മാന്‍ ഖാന്‍റെ ചില ആക്ഷന്‍ രംഗങ്ങൾ ചിത്രീകരിക്കുമെന്നും റിപ്പോർട്ടുണ്ട്‌. അതേസമയം മുെബൈ ലൊക്കേഷനില്‍ കത്രീനയുടെ രംഗങ്ങള്‍ ഉണ്ടായിരിക്കില്ല.'ടൈഗര്‍ 3' ലും ഇമ്രാൻ ഹാഷ്‌മിയാണ് പ്രതിനായക വേഷത്തിലെത്തുന്നത്‌. അതേസമയം ഇതേ കുറിച്ച് ഇതുവരെ ഔദ്യോഗിക സ്ഥിരീകരണം ഉണ്ടായിട്ടില്ല.
Katrina Kaif Salman Khan latest movies: ജാക്വലിൻ ഫെർണാണ്ടസിനൊപ്പമുള്ള 'കിക്ക് 2', പൂജാ ഹെഗ്‌ഡെക്കൊപ്പം അഭിനയിക്കുന്ന 'കഭി ഈദ് കഭി ദിവാലി' തുടങ്ങിയവയാണ് സല്‍മാന്‍റെ മറ്റ്‌ ചിത്രങ്ങള്‍. 'ഫോൺ ഭൂത്', അലി അബ്ബാസ് സഫറിന്റെ സൂപ്പർഹീറോ സീരീസ്, ശ്രീറാം രാഘവന്‍റെ 'മെറി ക്രിസ്‌മസ്' എന്നിവയാണ് കത്രീനയുടെ വരാനിരിക്കുന്ന പുതിയ ചിത്രങ്ങള്‍.
Also Read: ഈ വരവില്‍ ഇവര്‍ ഒന്നിക്കുമോ?.. 96ന് രണ്ടാം ഭാഗം വരുന്നു
