Hrithik Roshan spotted with mystery girl: ബോളിവുഡ്‌ സൂപ്പര്‍ ഹീറോ ഹൃത്വിക്‌ റോഷനൊപ്പം അജ്ഞാത സുന്ദരി. താരത്തിനൊപ്പമുള്ള അജ്ഞാത സുന്ദരി ആരാണെന്ന്‌ തിരയുകയാണ് ആരാധകര്‍. കഴിഞ്ഞ ദിവസം രാത്രിയിലാണ് മുംബൈയിലെ ഒരു റെസ്‌റ്റോറന്‍റില്‍ ഭക്ഷണം കഴിക്കാന്‍ താരം ഒരു പെണ്‍കുട്ടിക്കൊപ്പം എത്തിയത്‌.
അത്താഴം കഴിഞ്ഞ്‌ പെണ്‍കുട്ടിയുടെ കൈ പിടിച്ച്‌ റസ്റ്റോറന്റിന് പുറത്തേയ്‌ക്കു വരുന്ന ഹൃത്വിക്കിന്‍റെ വീഡിയോ ആണിപ്പോള്‍ സോഷ്യല്‍ മീഡിയയില്‍ വൈറലാവുന്നത്. അതേസമയം പെണ്‍കുട്ടി മാസ്‌ക്‌ ധരിച്ചിരിക്കുന്നതിനാല്‍ മുഖം വ്യക്തമല്ല.
റസ്റ്റോറന്റിന് പുറത്തേയ്‌ക്ക് വരുന്ന താരം ഫോട്ടോഗ്രാഫര്‍മാരെ ശ്രദ്ധിക്കാതെ പെണ്‍കുട്ടിയുടെ കൈ പിടിച്ച്‌ കാറിനടുത്തേയ്‌ക്ക് പോകുന്നതാണ് കാണാനാവുക. പെണ്‍കുട്ടിയെ ആദ്യം കാറില്‍ കയറ്റിയ ശേഷം പിന്നാലെ ഹൃത്വിക്കും കാറില്‍ കയറുകയായിരുന്നു. റസ്‌റ്റാറന്‍റില്‍ നിന്നുമിറങ്ങി കാറില്‍ കയറുന്നത്‌ വരെ പെണ്‍കുട്ടിയുടെ കൈ താരം വിട്ടിരുന്നില്ല.
- " class="align-text-top noRightClick twitterSection" data="
">
ഹൃത്വിക്കിന്‍റെ ഈ വീഡിയോ നിമിഷ നേരം കൊണ്ട്‌ സോഷ്യല്‍ മീഡിയയില്‍ വൈറലാവുകയായിരുന്നു. വീഡിയോ കണ്ടപാടെ ഈ പെണ്‍കുട്ടി ആരാണെന്നാണ് സോഷ്യല്‍ മീഡിയാ ലോകം തിരയുന്നത്‌. താരത്തിന്‍റെ പുതിയ കാമുകിയാണോ എന്നാണ് ചിലരുടെ സംശയം.
എന്നാല്‍ താരത്തിനൊപ്പമുള്ളത്‌ യുവനടി സബ അസാദ്‌ ആണെന്നാണ് ചിലരുടെ കണ്ടെത്തല്‍. സുശാന്ത്‌ സിങ്‌ നായകനായ ഡിറ്റക്‌ടീവ്‌ ബ്ര്യോംകേഷ് ബക്ഷയിലൂടെ ശ്രദ്ധ നേടിയ നടിയാണ് സഹ. മുച്ഛേ ഫ്രണ്ട്‌ഷിപ്‌ (2011) എന്ന സിനിമയിലും സഹ ശ്രദ്ധേയമായ വേഷം ചെയ്‌തിരുന്നു.
Hrithik Roshan Sussanne Khan split: മുന്‍ ഭാര്യ സൂസെയ്‌ന്‍ ഖാനുമായുള്ള വിവാഹ മോചനത്തിന് ശേഷം ഇതാദ്യമായാണ് ഹൃത്വിക്‌ റോഷന്‍ ഗോസിപ്പ്‌ കോളങ്ങളില്‍ ഇടംപിടിച്ചത്‌. 2000ലായിരുന്നു ഹൃത്വിക്‌-സൂസെയ്‌ന്‍ വിവാഹം. 14 വര്‍ഷത്തെ ദാമ്പത്യ ജീവിതത്തിനൊടുവില്‍ 2014ലാണ് ഇരുവരും വിവാഹ മോചിതരായത്.
അതേസമയം മുന്‍ ബിഗ്‌ ബോസ്‌ മത്സരാര്‍ഥി അലി ഗോണിയുടെ സഹോദരന്‍ അര്‍സ്‌ലന്‍ ഗോണിയുമായി സൂസെയ്‌ന്‍ ഖാന്‍ പ്രണയത്തിലാണെന്നും റിപ്പോര്‍ട്ടുകളുണ്ട്‌.
Also Read: 'പുതിയൊരു ലോകത്ത്‌' പ്രണവ്‌; ഹൃദയം കീഴടക്കി താരപുത്രന്‍
