കൊവിഡ് രണ്ടാം തരംഗം മൂലം റിലീസ് നീട്ടിവച്ച ബോളിവുഡ് സിനിമ തൂഫാന്‍റെ പുതുക്കിയ റിലീസ് തിയ്യതി പുറത്തുവിട്ടു. ജൂലൈ 16ന് ഒടിടി പ്ലാറ്റ്‌ഫോമായ ആമസോണ്‍ പ്രൈമിലൂടെയാണ് റിലീസ്.
ചിത്രത്തിലെ നായകന്‍ ഫര്‍ഹാന്‍ അക്തറാണ് റിലീസ് തിയ്യതി പുറത്തുവിട്ടത്. ഇക്കഴിഞ്ഞ മെയ് 21ന് പുറത്തിറങ്ങേണ്ട സിനിമയായിരുന്നു തൂഫാന്‍. രാജ്യം കൊവിഡ് മഹാമാരിയുമായി ഏറ്റുമുട്ടുമ്പോള്‍ അതില്‍ പങ്കുചേരുകയും കൊവിഡിനെ ചെറുക്കുകയുമാണ് വേണ്ടതെന്നും അതിനാല്‍ തൂഫാന്‍ ഇപ്പോള്‍ റിലീസ് ചെയ്യുന്നില്ലെന്നുമാണ് ഒരു മാസം മുമ്പ് ചിത്രത്തിന്‍റെ നിര്‍മാതാക്കള്‍ സോഷ്യല്‍മീഡിയയില്‍ പങ്കുവച്ച പ്രസ്താവനയില്‍ വ്യക്തമാക്കിയത്.
2020 ഒക്‌ടോബറില്‍ റിലീസ് ചെയ്യാനായിരുന്നു ആദ്യം അണിയറപ്രവര്‍ത്തകര്‍ തീരുമാനിച്ചിരുന്നത്. എന്നാല്‍ കൊവിഡ് മൂലം റിലീസ് 2021 മെയ്യിലേക്കും പിന്നീട് ജൂലൈയിലേക്കും മാറ്റുകയായിരുന്നു.
ബോക്‌സറുടെ ജീവിതം പറയുന്ന തൂഫാന്‍
സ്പോര്‍ട്‌സ് ഡ്രാമയായ തൂഫാന്‍ ഒരു ബോക്‌സറുടെ റിങ്ങിലെ ജീവിതം പ്രമേയമാക്കിയാണ് ഒരുക്കിയിരിക്കുന്നത്. റിതേഷ് സിദ്ദ്വാനി, രക്യേഷ് ഓംപ്രകാശ് മെഹ്‌റ, ഫര്‍ഹാന്‍ എന്നിവര്‍ ചേര്‍ന്നാണ് തൂഫാന്‍ നിര്‍മിച്ചിരിക്കുന്നത്. സിനിമ സംവിധാനം ചെയ്‌തിരിക്കുന്നത് രക്യേഷാണ്.
-
Big News!! @excelmovies and @ROMPPictures announce a brand new release date of @FarOutAkhtar starrer #Toofaan! Movie to release on @PrimeVideoIN on 16th July!@mrunal0801 @RakeyshOmMehra @SirPareshRawal @ritesh_sid #ToofaanOnPrime pic.twitter.com/wGQRFyHIxQ
— Ramesh Bala (@rameshlaus) June 16, 2021 " class="align-text-top noRightClick twitterSection" data="
">Big News!! @excelmovies and @ROMPPictures announce a brand new release date of @FarOutAkhtar starrer #Toofaan! Movie to release on @PrimeVideoIN on 16th July!@mrunal0801 @RakeyshOmMehra @SirPareshRawal @ritesh_sid #ToofaanOnPrime pic.twitter.com/wGQRFyHIxQ
— Ramesh Bala (@rameshlaus) June 16, 2021Big News!! @excelmovies and @ROMPPictures announce a brand new release date of @FarOutAkhtar starrer #Toofaan! Movie to release on @PrimeVideoIN on 16th July!@mrunal0801 @RakeyshOmMehra @SirPareshRawal @ritesh_sid #ToofaanOnPrime pic.twitter.com/wGQRFyHIxQ
— Ramesh Bala (@rameshlaus) June 16, 2021
ഏഴ് വര്‍ഷങ്ങള്‍ക്ക് മുമ്പ് റിലീസ് ചെയ്‌ത ബാഗ് മില്‍ഖ ബാഗിന്‍റെ വിജയത്തിന് ശേഷമാണ് രക്യേഷ്-ഫര്‍ഹാന്‍ കൂട്ടുകെട്ടില്‍ വീണ്ടും സിനിമ വരുന്നത്. മൃനാല്‍ താക്കുര്‍, പരേഷ് റാവല്‍, സുപ്രിയ പഥക് കപൂര്‍, ഹുസൈന്‍ ദലാല്‍ എന്നിവരും തൂഫാനില്‍ അഭിനയിക്കുന്നു.
Also read: മാലിക് ഒടിടിയിൽ കൂട്ടായെടുത്ത തീരുമാനം, പഠനം, പ്രണയം, മലയൻകുഞ്ഞിലെ അപകടം: ഫഹദ് ഫാസിലിന്‍റെ കുറിപ്പ്
മുംബൈയിലെ ചേരികള്‍, ഗേറ്റ് വേ ഓഫ് ഇന്ത്യ എന്നിവിടങ്ങളിലായാണ് സിനിമയുടെ ഭൂരിഭാഗം രംഗങ്ങളും ചിത്രീകരിച്ചത്. 2019ല്‍ പുറത്തിറങ്ങിയ ദി സ്കൈ ഈസ് പിങ്കാണ് ഏറ്റവും അവസാനമായി റിലീസ് ചെയ്‌ത ഫര്‍ഹാന്‍ അക്തര്‍ സിനിമ.
