ബോളിവുഡ് നടന്‍ ഫര്‍ഹാന്‍ അക്തര്‍ കേന്ദ്രകഥാപാത്രമാകുന്ന ഏറ്റവും പുതിയ സിനിമ തൂഫാന്‍റെ ടീസര്‍ പുറത്തിറങ്ങി. മെയ്‌ 21ന് ഒടിടി പ്ലാറ്റ്‌ഫോമായ ആമസോണ്‍ പ്രൈമിലൂടെ സിനിമ പ്രേക്ഷകരിലേക്ക് എത്തും. തെരുവ് ഗുണ്ടായായിരുന്ന അജു ഭായ് എന്ന വ്യക്തി അസീസ് അലി എന്ന ബോക്‌സറായി പരിണമിക്കുന്നതാണ് തൂഫാന്‍ എന്ന സിനിമയുടെ പ്രമേയം. ബോക്‌സറായുള്ള കഥാപാത്ര അവതരണത്തിനായി ഫര്‍ഹാന്‍ ബോക്‌സിങ് പഠിച്ചിരുന്നു. മൃണാല്‍ ഠാക്കൂറാണ് ചിത്രത്തില്‍ ഫര്‍ഹാന്‍റെ നായിക.
- " class="align-text-top noRightClick twitterSection" data="">
2019ല്‍ പുറത്തിറങ്ങിയ ദി സ്കൈ ഈസ് പിങ്കാണ് ഏറ്റവും അവസാനമായി റിലീസ് ചെയ്‌ത ഫര്‍ഹാന്‍ അക്തര്‍ സിനിമ. റിതേഷ് സിദ്ദ്വാനി, രക്യേഷ് ഓംപ്രകാശ് മെഹ്‌റ, ഫര്‍ഹാന്‍ എന്നിവര്‍ ചേര്‍ന്നാണ് സിനിമ നിര്‍മിച്ചിരിക്കുന്നത്. സ്പോര്‍ട്‌സ് ഡ്രാമയായ സിനിമ സംവിധാനം ചെയ്‌തിരിക്കുന്നത് രക്യേഷാണ്. ഏഴ് വര്‍ഷങ്ങള്‍ക്ക് മുമ്പ് റിലീസ് ചെയ്‌ത ബാഗ് മില്‍ഖ ബാഗിന്‍റെ വിജയത്തിന് ശേഷമാണ് രക്യേഷ്-ഫര്‍ഹാന്‍ കൂട്ടുകെട്ടില്‍ വീണ്ടും സിനിമ വരുന്നത്.
ഒക്‌ടോബറില്‍ റിലീസ് നിശ്ചയിച്ചിരുന്ന സിനിമയായിരുന്നു തൂഫാന്‍. കൊവിഡ് മൂലം റിലീസ് നീളുകയായിരുന്നു. മുംബൈയിലെ ചേരികള്‍, ഗേറ്റ് വേ ഓഫ് ഇന്ത്യ എന്നിവിടങ്ങളിലായാണ് സിനിമയുടെ ഭൂരിഭാഗം രംഗങ്ങളും ചിത്രീകരിച്ചത്.
