തെലങ്കാന : ബോളിവുഡ് നടനും സംവിധായകനും നിർമാതാവുമായ ഫർഹാൻ അക്തറും ടെലിവിഷൻ താരം ഷിബാനി ദണ്ഡേക്കറുമായുള്ള വിവാഹം വാര്‍ത്തകളില്‍ നിറയുകയാണ്. എന്നാല്‍ വിവാഹത്തിന് മുന്നോടിയായി ശനിയാഴ്‌ച രാവിലെ തന്നെ ഷിബാനി ഒരു പോസ്‌റ്റുമായി ഇന്‍സ്‌റ്റഗ്രാമിലെത്തിയിരുന്നു. വിവാഹത്തിനണിയുന്ന ചുവന്ന നിറമുള്ള ഹൈ ഹീല്‍ ചെരുപ്പിന്‍റെ ചിത്രമാണ് പങ്കുവച്ചത്.
വിവാഹ വസ്‌ത്രത്തെ കുറിച്ചോ മറ്റോ ഷിബാനി വെളിപ്പെടുത്തിയിട്ടില്ലെങ്കിലും ഫര്‍ഹാനുമായുള്ള വിവാഹത്തിന്‍റെ ആവേശത്തിലാണ് താനെന്ന്‌ വ്യക്തമാക്കുന്നതാണ് ഷിബാനിയുടെ പുതിയ ഇന്‍സ്‌റ്റഗ്രാം സ്‌റ്റോറികള്‍. 'നമുക്ക്‌ ഇത്‌ ചെയ്യാം' എന്ന അടിക്കുറിപ്പോടെയാണ് താരം വീഡിയോ പങ്കുവച്ചത്.
Also Read: വിമാനത്താവളത്തില്‍ സാമന്തയുടെ 'അറബിക്‌ കുത്ത്‌' ഡാന്‍സ്‌
വിവാഹത്തില്‍ പങ്കെടുക്കാന്‍ രാവിലെ മുതല്‍ തന്നെ വിവാഹ വേദിയില്‍ അതിഥികള്‍ എത്തിത്തുടങ്ങിയിരുന്നു. ഫെബ്രുവരി 21ന് മുംബൈയിലാണ് ഇരുവരും തങ്ങളുടെ വിവാഹം രജിസ്‌റ്റര്‍ ചെയ്യുക.
Farhan Shibani ties the knot : നാല്‌ വര്‍ഷത്തെ പ്രണയത്തിനൊടുവിലാണ് വിവാഹം. വിവാഹ ചടങ്ങുകള്‍ക്ക്‌ കഴിഞ്ഞ ദിവസം തുടക്കം കുറിച്ചിരുന്നു. വിവാഹത്തിന് മുമ്പുള്ള ആഘോഷങ്ങൾ വ്യാഴാഴ്‌ചയേ മുംബൈയിൽ തുടങ്ങിയിരുന്നു.
Farhan ex wife : സെലിബ്രിറ്റി ഹെയർസ്‌റ്റൈലിസ്‌റ്റായ അധുന ഭബാനിയെയാണ് ഫര്‍ഹാന്‍ ആദ്യം വിവാഹം കഴിച്ചത്‌. 17 വര്‍ഷത്തെ ദാമ്പത്യ ജീവിതത്തിനൊടുവില്‍ 2017ലാണ് ഫര്‍ഹാനും അധുനയും പിരിഞ്ഞത്. ഇരുവര്‍ക്കുമായി രണ്ട്‌ കുട്ടികളുണ്ട്‌. ശാക്യ അക്തര്‍, അകിര അക്തര്‍.
