ബോളിവുഡ് നടി ദിഷാ പഠാനിയുടെ പിതാവ് ജഗദീഷ് പഠാനിക്ക് കൊവിഡ് സ്ഥിരീകരിച്ചു. ഉത്തര്‍പ്രദേശ് ഊര്‍ജവകുപ്പിലെ വിജിലന്‍സ് വിഭാഗത്തിലെ ഡെപ്യൂട്ടി എസ്‌പിയാണ് ജഗദീഷ്. ജഗദീഷിന് പുറമെ അദ്ദേഹത്തിന്‍റെ സ്ഥാപനത്തിലെ മറ്റ് രണ്ട് ഉദ്യോഗസ്ഥര്‍ക്ക് കൂടി കൊവിഡ് സ്ഥിരീകരിച്ചിട്ടുണ്ട്. ട്രാൻസ്ഫോർമർ അഴിമതിയെക്കുറിച്ചുള്ള അന്വേഷണത്തിലായിരുന്നു ജഗദീഷ് പഠാനിയും മറ്റ് രണ്ട് ഉദ്യോഗസ്ഥരും അടങ്ങുന്ന സംഘം. അന്വേഷണത്തിന്‍റെ ഭാഗമായി ലക്‌നൗവില്‍ നിന്ന് സംഘം ബറേലിയിൽ എത്തിയിരുന്നു. ദിഷാ പഠാനിയുടെ പിതാവ് അടക്കമുള്ളവര്‍ക്ക് കൊവിഡ് സ്ഥിരീകരിച്ചതോടെ അടുത്ത രണ്ട് ദിവസത്തേക്ക് സോണല്‍ ചീഫ് എഞ്ചിനീയറുടെ ഓഫീസ് തുറക്കില്ല.
- " class="align-text-top noRightClick twitterSection" data="
">
