ബോളിവുഡ് സുന്ദരി ശില്‍പ ഷെട്ടിയും ജര്‍മന്‍ ആഡംബര വാഹന നിര്‍മാതാക്കളായ മേഴ്‌സിഡസ് ബെന്‍സ് പുറത്തിറക്കിയ വി ക്ലാസ് സ്വന്തമാക്കി. കറുത്ത നിറമുള്ള വി ക്ലാസാണ് ശില്‍പ സ്വന്തമാക്കിയത്. വി ക്ലാസിന്‍റെ അടിസ്ഥാന വേരിയന്‍റായ എക്‌സ്പ്രഷനാണ് ശില്‍പ വാങ്ങിയത്. 86.16 ലക്ഷം രൂപയാണ് ഈ ആഡംബര വാഹനത്തിന്‍റെ മുംബൈയിലെ ഓണ്‍റോഡ് വില. 71.1 ലക്ഷം രൂപ മുതല്‍ 1.46 കോടി രൂപ വരെയാണ് ഈ വാഹനത്തിന്‍റെ എക്‌സ്‌ഷോറും വില. ബെന്‍സിന്‍റെ ആഡംബര വാനായ വി ക്ലാസിന്‍റെ മൂന്ന് വകഭേദങ്ങളാണ് ഇന്ത്യന്‍ വിപണിയിലുള്ളത്. നേരത്തെ ഹൃതിക് റോഷന്‍, അമിതാഭ് ബച്ചന്‍ തുടങ്ങിയവര്‍ ഈ ആഡംബര വാഹനം സ്വന്തമാക്കിയിരുന്നു. 71 ലക്ഷത്തില്‍ അധികം വിലയുള്ള മോഡലാണ് ശില്‍പ സ്വന്തമാക്കിയതെന്നാണ് റിപ്പോര്‍ട്ടുകള്‍.
- " class="align-text-top noRightClick twitterSection" data="
">
ഈ വാഹനത്തിന് 5370 എം.എം നീളവും 3430 എം.എം വീല്‍ബേസുമാണുള്ളത്. ഇന്ത്യയില്‍ 2019 ജനുവരിയിലാണ് ഈ വാഹനം എത്തിയത്. ഇലക്ട്രിക് സ്ലൈഡിങ് ഡോര്‍, പനോരമിക് സണ്‍റൂഫ്, തെര്‍മോട്രോണിക് ക്ലൈമറ്റ് കണ്‍ട്രോള്‍ സിസ്റ്റം, കമാന്‍റ് ഇന്‍ഫോടെയ്ന്‍മെന്‍റ് സിസ്റ്റം തുടങ്ങിയ നിരവധി സംവിധാനങ്ങളാണ് ഈ വാഹനത്തില്‍ ഒരുക്കിയിരിക്കുന്നത്. ബിഎസ് 6 നിലവാരത്തിലുള്ള 2.1 ലിറ്റര്‍ ഡീസല്‍ എന്‍ജിനാണ് ഈ വാഹനത്തിന് കരുത്തേകുന്നത്. ഇത് 161 ബിഎച്ച്പി പവറും 380 എന്‍എം ടോര്‍ക്കുമേകും. വേരിന്‍റുകള്‍ക്ക് അനുസരിച്ച് ഏഴ് സ്പീഡ് ഓട്ടോമാറ്റിക്, 9ജി ട്രോണിക് ഓട്ടോമാറ്റിക് എന്നീ ഗിയര്‍ബോക്‌സുകള്‍ ഇതില്‍ ട്രാന്‍സ്മിഷന്‍ ഒരുക്കും. എലൈറ്റ് വേരിയന്‍റിലാണ് 9ജി ട്രോണിക് ഓട്ടോമാറ്റിക് നല്‍കിയിട്ടുള്ളത്. 10.9 സെക്കന്‍റില്‍ പൂജ്യത്തില്‍ നിന്ന് 100 കിലോമീറ്റര്‍ വേഗം കൈവരിക്കാനും ഈ വാഹനത്തിന് കഴിയും. ഭര്‍ത്താവ് രാജ് കുന്ദ്രയ്‌ക്കൊപ്പം പുതിയ ആഡംബര വാഹനത്തിന് മുമ്പില്‍ നിന്ന് ഫോട്ടോകള്‍ക്ക് പോസ് ചെയ്യുന്ന ശില്‍പയുടെ വീഡിയോ സമൂഹമാധ്യമങ്ങളില്‍ വൈറലാണ്.
