ഹൈദരാബാദ്: അമിതാഭ് ബച്ചൻ കൊവിഡ് വാക്സിൻ രണ്ടാം ഡോസ് സ്വീകരിച്ചു. കൊവിഡിനെതിരെയുള്ള പ്രതിരോധവാക്സിന്‍റെ രണ്ടാം ഡോസെടുത്തുവെന്ന വാർത്ത അമിതാഭ് ബച്ചൻ തന്നെയാണ് ആരാധകരെ അറിയിച്ചത്. ഒപ്പം വാക്സിനേഷന്‍റെ ചിത്രവും ബോളിവുഡ് താരം ഇൻസ്റ്റഗ്രാമിൽ പങ്കുവച്ചു.
- " class="align-text-top noRightClick twitterSection" data="
">
കഴിഞ്ഞ മാസമായിരുന്നു ബിഗ് ബി ആദ്യ ഡോസ് എടുത്തത്. കൊവിഡ് രണ്ടാം തരംഗത്തിൽ നിരവധി ബോളിവുഡ് നടന്മാർക്ക് കൊവിഡ് സ്ഥിരീകരിച്ചിരുന്നു. കങ്കണ റണൗട്ട്, ആമിർ ഖാൻ, വിക്കി കൗശൽ, കത്രീന കൈഫ്, ഭൂമി പഡ്‌നേക്കർ, രൺധീർ കപൂർ, ആലിയ ഭട്ട്, രൺബീർ കപൂർ തുടങ്ങിയ താരങ്ങൾക്ക് കൊവിഡ് ബാധ കണ്ടെത്തുകയും ക്വാറന്‍റെന് ശേഷം രോഗമുക്തരാവുകയും ചെയ്തിരുന്നു.
More Read: അമിതാഭ് ബച്ചന്‍ കൊവിഡ് വാക്സിന്‍ സ്വീകരിച്ചു
ബോളിവുഡ് സൂപ്പർതാരം അമിതാഭ് ബച്ചനിന്‍റെ നിരവധി ചിത്രങ്ങളാണ് പുറത്തിറങ്ങാനിരിക്കുന്നത്. ഝൂണ്ഡ്, ബ്രഹ്മാസ്ത്ര, ഗുഡ്ബൈ, മെയ് ഡേ എന്നിവയാണ് ഇവയിൽ പ്രധാനപ്പെട്ടവ. കൂടാതെ, ഋഷി കപൂറിന് പകരം ദീപിക പദുകോണിനൊപ്പം ദി ഇന്‍റേണിന്‍റെ ഹിന്ദി പതിപ്പിലും അമിതാഭ് ബച്ചൻ വേഷമിടുന്നുണ്ട്.
