Attack trailer: ജോണ്‍ എബ്രഹാം സൂപ്പര്‍ സോള്‍ജിയറായി എത്തുന്ന ആക്ഷന്‍ ചിത്രം 'അറ്റാക്കി'ന്‍റെ രണ്ടാമത്തെ ട്രെയ്‌ലര്‍ പുറത്തിറങ്ങി. ട്രെയ്‌ലര്‍ ട്രെന്‍ഡിങിലും ഇടംപിടിച്ചിരിക്കുകയാണ്. യൂട്യൂബ്‌ ട്രെന്‍ഡിങില്‍ 30ാം സ്ഥാനത്താണ് 'അറ്റാക്' ട്രെയ്‌ലര്‍.
John Abraham as super soldier: സൈബര്‍നെറ്റിക്‌ പ്രക്രിയയിലൂടെ ശരീരത്തെ പരിഷ്‌കരിച്ച ഒരു സൂപ്പര്‍ പട്ടാളക്കാരന്‍റെ വേഷമാണ് ചിത്രത്തില്‍ ജോണ്‍ എബ്രഹാമിന്‌. ശരീരത്തില്‍ സൈബര്‍നെറ്റിക്‌ പരിഷ്‌ക്കരണങ്ങള്‍ വിജയകരമായ ശേഷം തന്‍റെ ചുറ്റുപാടുമായി പൊരുത്തപ്പെടാന്‍ ശ്രമിക്കുന്ന ജോണ്‍ എബ്രഹാമിന്‍റെ കഥാപാത്രത്തെയാണ് ട്രെയ്‌ലറില്‍ ദൃശ്യമാകുന്നത്‌. ഒരു സാധാരണ ആക്ഷന്‍ ചിത്രമല്ല 'അറ്റാക്ക്‌' എന്നും ഒരു സയന്‍സ്‌ ഫിക്ഷന്‍ ചിത്രത്തിന്‍റെ ചില ഘടകങ്ങളുള്ള ഡ്രാമയാണിതെന്നും സിനിമയെ കുറിച്ച് അണിയറപ്രവര്‍ത്തകര്‍ പറയുന്നു.
- " class="align-text-top noRightClick twitterSection" data="">
സാധാരണ മാനുഷിക പരിധിക്കപ്പുറം പ്രവര്‍ത്തിക്കാന്‍ കഴിയുന്ന മാനുഷിക കഴിവുകളുള്ള കഥാപാത്രത്തെയാണ് 'അറ്റാക്കി'ല്‍ താരം അവതരിപ്പിക്കുന്നത്‌. സാങ്കേതിക വിദ്യ കൊണ്ടും കൃത്രിമ ബുദ്ധി കൊണ്ടും യുദ്ധങ്ങൾ നടക്കുന്ന ഒരു ഭാവി ലോകത്തെയാണ് ചിത്രം സമ്മാനിക്കുന്നത്‌. ഇന്ത്യയുടെ ആദ്യത്തെ സൂപ്പര്‍ സോള്‍ജ്യര്‍ എന്നാണ് അണിയറപ്രവര്‍ത്തകര്‍ ജോണ്‍ എബ്രഹാമിന്‍റെ കഥാപാത്രത്തെ വിശേഷിപ്പിച്ചിരിക്കുന്നത്‌. ചിത്രത്തില്‍ അര്‍ജുന്‍ ഷെര്‍ഗില്‍ എന്ന കഥാപാത്രത്തെയാണ് ജോണ്‍ അവതരിപ്പിക്കുന്നത്‌. തീവ്രവാദ പ്രവര്‍ത്തനങ്ങള്‍ക്കെതിരായ മിഷന്‍ ആണ് അര്‍ജുന്‍ ഷെര്‍ഗില്‍ നയിക്കുന്നത്‌.
John Abraham on Attack trailer launch:'അറ്റാക്ക്‌' വളരെ വ്യത്യസ്‌തമായ നല്ല സിനിമയാണെന്ന്‌ ട്രെയ്‌ലര്‍ ലോഞ്ച്‌ ചടങ്ങില്‍ ജോണ്‍ എബ്രഹാം പറഞ്ഞു. 'പുതിയത്‌ എന്തെങ്കിലും പരീക്ഷിച്ചു നോക്കുന്നത്‌ എല്ലായ്‌പ്പോഴും നല്ലതാണ്. കാരണം, പ്രേക്ഷകര്‍ വ്യത്യസ്‌തമായതിനെ എപ്പോഴും അഭിനന്ദിക്കും. അതാണ് 'അറ്റാക്കി'ന്‍റെ പ്രത്യേകത' -ജോണ്‍ എബ്രഹാം പറഞ്ഞു.
John Abraham about Attack: ജെഎ എന്‍റര്‍ടെയ്‌ന്‍മെന്‍റിന്‍റെ ആശയമാണ് 'അറ്റാക്ക്‌'. സമാനതകളില്ലാത്ത ആക്ഷന്‍ രംഗങ്ങള്‍ കഥയെ കൂടുതല്‍ മനോഹരമാക്കുന്നു. ഇതുവരെ പുറത്തിറങ്ങിയ ട്രെയ്‌ലറിലും ടീസറിലും വെളിപ്പെടുത്താത്ത നിരവധി സര്‍പ്രൈസുകളാണ് 'അറ്റാക്കി'ലുള്ളത്. ബിഗ്‌ സ്‌ക്രീനിലൂടെ 'അറ്റാക്കി'നെ പ്രേക്ഷകര്‍ സാക്ഷ്യം വഹിക്കുന്ന കാര്യത്തിലും എനിക്ക്‌ ആത്മവിശ്വാസമുണ്ട്‌. ഏപ്രില്‍ ഒന്നിന് ചിത്രം പ്രദര്‍ശനത്തിനെത്തുന്നതില്‍ ഞാന്‍ സന്തുഷ്‌ടനാണ് ' - ജോണ്‍ എബ്രഹാം പറഞ്ഞു.
Attack cast and crew: ലക്ഷ്യ രാജ്‌ ആനന്ദ്‌ ആണ് 'അറ്റാക്കി'ന്‍റെ സംവിധാനം. ജോണ്‍ എബ്രഹാമിനൊപ്പം ജാക്വലിന്‍ ഫെര്‍ണാണ്ടസ്‌, രാകുല്‍ പ്രീത്‌ സിങ്‌, പ്രകാശ്‌ രാജ്‌, രത്‌ന പതക്‌ ഷാഹ്‌ തുടങ്ങിയവരും ചിത്രത്തില്‍ അണിനിരക്കും. ജയന്തിലാല്‍ ഗഡ, ജോണ്‍ എബ്രഹാം, അജയ്‌ കപൂര്‍ പ്രൊഡക്ഷന്‍സ്‌ എന്നിവര്‍ ചേര്‍ന്നാണ് ചിത്രത്തിന്‍റെ നിര്‍മാണം.
Attack release: സംവിധായകന്‍ ലക്ഷ്യ രാജ്‌ ആനന്ദ്‌, സുമിത്‌ ബതേജ, വിശാല്‍ കപൂര്‍ എന്നിവര്‍ ചേര്‍ന്നാണ് സിനിമയ്‌ക്ക്‌ വേണ്ടി തിരക്കഥ ഒരുക്കിയിരിക്കുന്നത്‌. ജോണ്‍ എബ്രഹാമിന്‍റേതാണ് കഥ. വില്‍ ഫംഫ്രിസ്‌, പിഎസ്‌ വിനോദ്‌, ചതുര്‍വേദി എന്നിവര്‍ ചേര്‍ന്നാണ് ഛായാഗ്രഹണം. ശാശ്വത്‌ സച്ച്‌ദേവ്‌ സംഗീതവും നിര്‍വഹിക്കുന്നു. ആരിഫ്‌ ഷെയ്‌ഖ്‌ ആണ് എഡിറ്റിങ്‌. ഏപ്രില്‍ ഒന്നിനാണ് 'അറ്റാക്ക്‌' തിയേറ്ററുകളിലെത്തുക.
Also Read: 200 കോടി ക്ലബ്ബില്‍ ഇടംപിടിച്ച്‌ 'വലിമൈ' ; ഇനി ഒടിടിയിലും കാണാം
