സസ്‌പെൻസ് നിറച്ച് ബിഗ് ബി ചിത്രം 'ഝൂണ്ഡി'ന്‍റെ ടീസർ പുറത്തിറക്കി

കഴിഞ്ഞ ദിവസം പുറത്തിറക്കിയ പോസ്റ്റിറിലും ഇപ്പോൾ റിലീസ് ചെയ്‌ത ടീസറിലും കഥാപാത്രങ്ങളുടെ മുഖം കാണിക്കുന്നില്ലെന്നുള്ളത് ചിത്രത്തിന്‍റെ സസ്‌പെൻസ് നിലനിർത്തുന്നു.

അമിതാഭ് ബച്ചൻ കേന്ദ്ര കഥാപാത്രമായെത്തുന്ന പുതിയ ചിത്രം 'ഝൂണ്ഡ്'ന്‍റെ ടീസറെത്തി. കഴിഞ്ഞ ദിവസം പുറത്തിറക്കിയ പോസ്റ്റിറിലും ഇപ്പോൾ റിലീസ് ചെയ്‌ത ടീസറിലും കഥാപാത്രങ്ങളുടെ മുഖം കാണിക്കുന്നില്ലെന്നുള്ളത് ചിത്രത്തിന്‍റെ സസ്‌പെൻസ് നിലനിർത്തുന്നു. ബിഗ് ബിയുടെ വിവരണത്തോടെ ടീസർ തുടങ്ങുന്നു. കയ്യിൽ ഹോക്കി സ്റ്റിക്കും ക്രിക്കറ്റ് ബാറ്റും ചങ്ങലയും ഇഷ്‌ടികയും പിടിച്ചുകൊണ്ട് ഒരു കൂട്ടം ചെറുപ്പക്കാർ നടന്നു നീങ്ങുന്നതാണ് ടീസറിൽ ഉൾപ്പെടുത്തിയിരിക്കുന്നത്.

• " class="align-text-top noRightClick twitterSection" data="">

സ്ലം സോക്കർ എന്ന പേരിലുള്ള എൻജിഒയുടെ സ്ഥാപകൻ വിജയ് ബാർസെയുടെ ജീവിതകഥ പറയുന്ന ചിത്രം സംവിധാനം ചെയ്യുന്നത് മറാഠി സംവിധായകൻ നാഗരാജ് മഞ്ജുലെയാണ്. അജയ് ഗോഗ്‌വലെയും അതുല്‍ ഗോഗ്‌വലെയുമാണ് ഫുട്‌ബോൾ പ്രമേയമാക്കിയൊരുങ്ങുന്ന ചിത്രത്തിന്‍റെ സംഗീതവും പശ്ചാത്തലസംഗീതവും ഒരുക്കുന്നത്. ഭൂഷൺ കുമാർ, ക്രിഷൻ കുമാർ, രാജ് ഹിരേമത്ത്, സവിത രാജ് ഹിരേമത്ത്, നാഗരാജ് മഞ്ജുലെ, ഗാർഗി കുൽക്കർണി, മീനു അറോറ എന്നിവരാണ് ഝൂണ്ഡിന്‍റെ നിർമാണം. മെയ് 8ന് ചിത്രം തിയേറ്ററിലെത്തും.

• " class="align-text-top noRightClick twitterSection" data="">