Aditya Narayan Shweta Agarwal welcome baby girl: ഗായകന്‍ ആദിത്യ നാരായണും ഭാര്യ ശ്വേത അഗര്‍വാളും തങ്ങളുടെ ആദ്യ കുഞ്ഞിനെ വരവേറ്റു. ഈ വര്‍ഷം ഫെബ്രുവരിയിലാണ് ശ്വേത അഗര്‍വാള്‍ പെണ്‍കുഞ്ഞിന് ജന്മം നല്‍കിയത്‌. ഇന്‍സ്‌റ്റഗ്രാമിലൂടെയാണ്‌ ഈ സന്തോഷ വാര്‍ത്ത ആദിത്യ നാരായണ്‍ ആരാധകരുമായി പങ്കുവച്ചത്‌.
ഫെബ്രുവരി 24നാണ് കുഞ്ഞ്‌ ജനിച്ചതെന്നാണ് ആദിത്യ ഇന്‍സ്‌റ്റഗ്രാമില്‍ കുറിച്ചത്‌. '2022 ഫെബ്രുവരി 24ന്‌ ദൈവം ഞങ്ങള്‍ക്ക്‌ സുന്ദരിയായ ഒരു പെണ്‍കുഞ്ഞിനെ നല്‍കി അനുഗ്രഹിച്ചതില്‍ ഞാനും ശ്വേതയും അങ്ങേയറ്റം നന്ദിയുള്ളവരാണ്.' -ഇപ്രകാരമാണ് ആദിത്യ കുറിച്ചത്‌. കുറിപ്പിനൊപ്പം തന്‍റെ വിവാഹ ചിത്രവും താരം പങ്കുവച്ചു. ശ്വേതയുടെ നെറ്റിയില്‍ സിന്ദൂരം ചാര്‍ത്തുന്ന ചിത്രമാണ് ആദിത്യ ഇന്‍സ്‌റ്റയില്‍ പങ്കുവച്ചത്‌.
- " class="align-text-top noRightClick twitterSection" data="
">
Aditya Narayan post on baby born: ആദിത്യയുടെ പോസ്‌റ്റിന് പിന്നാലെ നിരവധി പേര്‍ ദമ്പതികള്‍ക്ക്‌ ആശംസകളുമായി രംഗത്തെത്തി. 'അഭിനന്ദനങ്ങള്‍! മകള്‍ ഒരു അനുഗ്രഹമാണ്! ജീവിതത്തിന്‍റെ അടുത്ത ഘട്ടം നിങ്ങള്‍ പൂര്‍ണമായും ആസ്വദിക്കൂ..' -നടന്‍ ബര്‍ഖ സെന്‍ ഗുപ്‌ത കമന്‍റ്‌ ചെയ്‌തു. 'മാതാപിതാക്കള്‍ ആയതിന് ആദിത്യക്കും ശ്വേതക്കും അഭിനന്ദനങ്ങള്‍. നിങ്ങള്‍ മൂന്ന്‌ പേര്‍ക്കും സ്‌നേഹം.' -ഗായിക നീതി മോഹന്‍ കുറിച്ചു.
- " class="align-text-top noRightClick twitterSection" data="
">
Aditya Narayan about baby girl:'എല്ലാവരും എന്നോട് പറഞ്ഞിരുന്നത്‌ എനിക്ക്‌ ജനിക്കുന്നത്‌ ആണ് കുഞ്ഞ്‌ ആയിരിക്കുമെന്നാണ്. പക്ഷേ ഞങ്ങൾക്കൊരു പെൺകുഞ്ഞ് ജനിക്കുമെന്ന്‌ ഞാന്‍ രഹസ്യമായി പ്രതീക്ഷിച്ചു. അച്ഛന്മാർ പെൺമക്കളോട് ഏറ്റവും അടുപ്പമുള്ളവരായിരിക്കുമെന്ന്‌ ഞാൻ വിശ്വസിക്കുന്നു. എന്‍റെ കുഞ്ഞു മകള്‍ വന്നതിൽ ഞാന്‍ സന്തുഷ്‌ടനാണ്. ഞങ്ങൾ മാതാപിതാക്കളായതിൽ ഞാനും ശ്വേതയും അങ്ങേയറ്റം അനുഗ്രഹീതരായി തോന്നുന്നു.' -ഒരു ദേശീയ മാധ്യമത്തോട്‌ ആദിത്യ പറഞ്ഞു.
Aditya Narayan Shweta Agarwal wedding: തങ്ങളുടെ ആദ്യ ചിത്രമായ 'ഷാപിത്തി'ന്‍റെ സെറ്റില്‍ വച്ചാണ് ആദിത്യയും ശ്വേതയും ആദ്യമായി കണ്ടുമുട്ടുന്നത്‌. 10 വര്‍ഷത്തെ നീണ്ട പ്രണയത്തിനൊടുവിലാണ് ഇരുവരും വിവാഹിതരായത്‌. 2020 ഡിസംബര്‍ ഒന്നിനായിരുന്നു ഇരുവരുടെയും വിവാഹം. നിലവില്‍ 'സരിഗമപ'യുടെ അവതാരകനാണ് ആദിത്യ.
Also Read: കാമുകിക്ക്‌ ഗൃഹാതുരത്വം! പിസയും പാസ്‌തയും അയച്ച്‌ ഹൃത്വിക്കിന്‍റെ കുടുംബം
