ആമിര്‍ഖാന്‍ സിനിമ ദംഗലിലൂടെ അഭിനയം ആരംഭിച്ച യുവനടിയാണ് സാനിയ മല്‍ഹോത്ര. പിന്നീട് സീക്രട്ട് സൂപ്പര്‍സ്റ്റാര്‍, പതാക, ബദായ് ഹോ, ശകുന്തളാ ദേവി, ലുഡോ തുടങ്ങിയ ചിത്രങ്ങളില്‍ വേഷമിട്ടു. ഇപ്പോള്‍ നടിയുടെ പുതിയ നെറ്റ്ഫ്‌ളിക്‌സ് സിനിമ പഗ്‌ലേയ്‌റ്റിന്‍റെ ടീസര്‍ പുറത്തിറങ്ങിയിരിക്കുകയാണ്. വിവാഹം നടന്ന് കുറച്ച് നാളുകള്‍ക്ക് ശേഷം വിധവയാകേണ്ടി വരുന്ന പെണ്‍കുട്ടിയുടെ ജീവിതമാണ് ഹാസ്യത്തിന്‍റെ മേമ്പൊടിയോടെ ചിത്രത്തില്‍ അവതരിപ്പിക്കുന്നത്.
- " class="align-text-top noRightClick twitterSection" data="">
ഭര്‍ത്താവ് മരിച്ചെന്ന് അറിഞ്ഞിട്ടും ആ സാഹചര്യത്തിന് അനുസരിച്ച് പെരുമാറാന്‍ സാധിക്കാത്തതിനാല്‍ കുടുംബത്തില്‍ നിന്നും സമൂഹത്തില്‍ നിന്നും ആ വിധവയായ പെണ്‍കുട്ടി നേരിടുന്ന പ്രശ്നങ്ങളാണ് സിനിമ പറയുന്നത്. വളരെ രസകരമായി ഒരുക്കിയിരിക്കുന്ന ട്രെയിലറിന് മികച്ച പ്രതികരണമാണ് ലഭിക്കുന്നത്. ഉമേഷ് ബിസ്താണ് തിരക്കഥയെഴുതി സിനിമ സംവിധാനം ചെയ്‌തിരിക്കുന്നത്. സയാനി ഗുപ്ത, അശുതോഷ് റാണ, രഗുബീര്‍ യാദവ് എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളാകുന്നത്. ഏക്ത കപൂര്‍, ഗുനീത് മോഗ, മേഘ്ന മാലിക്, രാജേഷ് തിലങ്ക് എന്നിവര്‍ ചേര്‍ന്നാണ് സിനിമ നിര്‍മിച്ചിരിക്കുന്നത്. സിനിമ ഒടിടി പ്ലാറ്റ്‌ഫോമായ നെറ്റ്ഫ്ളിക്സില് മാര്‍ച്ച് 26ന് സ്ട്രീം ചെയ്‌ത് തുടങ്ങും.
