കണ്ണൂർ: മാഹി പള്ളൂരിൽ അരക്കിലോ കഞ്ചാവുമായി മൂന്ന് പേരെ അറസ്റ്റ് ചെയ്‌തു. കൊയ്യോട്ട് തെരുപുത്തൻകുളം പറമ്പിനു സമീപം വെച്ച് കഞ്ചാവ് വിൽപ്പന നടത്തുകയായിരുന്ന ലാലുമോൻ എന്ന ലാലു (42), ചാലക്കര സ്വദേശി നിഷാദ് (29), ചെമ്പ്ര സ്വദേശി റെനി ഒലിവർ റെണ്ണി(42) എന്നിവരാണ് അറസ്റ്റിലായത്.
കഞ്ചാവ് കടത്താൻ ഉപയോഗിച്ച ഓട്ടോറിക്ഷയും പൊലീസ് കസ്റ്റഡിയിൽ എടുത്തു. പൊലീസിന് കിട്ടിയ രഹസ്യ വിവരത്തെ തുടർന്ന് കഴിഞ്ഞ ഒരാഴ്‌ചയായി നടത്തിയ അന്വേഷണത്തിലാണ് പ്രതികൾ വലയിലായത്. വരും ദിവസങ്ങളിൽ പരിശോധന കൂടുതൽ ശക്തമാക്കുമെന്ന് മാഹി സി.ഐ ആടൽ അരശൻ അറിയിച്ചു.
