ജറുസലേം: ഹമാസിന്‍റെ 'ആയുധ നിർമാണ കേന്ദ്രം' ലക്ഷ്യമിട്ട് തങ്ങള്‍ തുടര്‍ച്ചയായി വ്യോമാക്രമണം നടത്തിയെന്ന അവകാശവാദവുമായി ഇസ്രയേല്‍. പലസ്‌തീന്‍ തെക്കൻ ഗസ മുനമ്പിലാണ് ഈ ആക്രമണം. ഹമാസിന്‍റെ റോക്കറ്റ് ആക്രമണത്തിന് തിരിച്ചടിയാണ് തങ്ങള്‍ നല്‍കിയതെന്നും ഇസ്രയേല്‍ സേന ചൊവ്വാഴ്‌ച പുലർച്ചെ അറിയിച്ചു.
സംഭവത്തില്‍ പരിക്കുകളൊന്നു റിപ്പോര്‍ട്ട് ചെയ്‌തിട്ടില്ല. മാസങ്ങൾക്ക് ശേഷം ആദ്യമായാണ് തെക്കൻ ഇസ്രായേലിലേക്ക് ഹമാസ് ആക്രമണം നടത്തിയത്. തിങ്കളാഴ്‌ചയാണ് (ഏപ്രില്‍ 18) ഈ സംഭവം. ജെറുസലേമിലെ പുണ്യകേന്ദ്രങ്ങളില്‍ ഏറ്റുമുട്ടലുകൾ, മാരകമായ ആക്രമണ പരമ്പരകൾ, എന്നിവയുണ്ടായി മാസങ്ങള്‍ക്ക് ശേഷമാണ് തീവ്രതയേറിയ റോക്കറ്റ് ആക്രമണം ഉണ്ടായതെന്ന് ഇസ്രയേല്‍ സേന പറഞ്ഞു. റോക്കറ്റ് ആക്രമണത്തെ ചെറുക്കാനായത് നാശനഷ്‌ടങ്ങൾ ഒഴിവാക്കാനായെന്നും ഇസ്രയേല്‍ അവകാശപ്പെട്ടു.
