ഡാർഫൂർ (സുഡാൻ) : സുഡാനിൽ അർധ സൈനിക സേന, സഖ്യകക്ഷികളായ അറബ് മിലിഷിയയുടെ സഹായത്തോടെ നടത്തിയ ആക്രമണത്തിൽ 800ലധികം പേർ കൊല്ലപ്പെട്ടതായി യുഎന്‍ (800 killed in attack by paramilitary Arab militia on Darfur town Sudan). അതേസമയം 8,000 പേർ അയൽരാജ്യമായ ചാഡിലേക്ക് പലായനം ചെയ്‌തതായും യുഎൻഎച്ച്സിആർ അറിയിച്ചിട്ടുണ്ട്‌. വെസ്‌റ്റ്‌ ഡാർഫൂർ പ്രവിശ്യയിലെ അർദമാറ്റയിലാണ് ആക്രമണമുണ്ടായത്.
സുഡാനീസ് സൈന്യവും അർധസൈനിക വിഭാഗമായ ആർഎസ്എഫും തമ്മിലുള്ള മാസങ്ങൾ നീണ്ട യുദ്ധത്തില്‍ ഡാർഫറില്‍ ഉണ്ടായ അതിക്രമങ്ങളിലെ ഏറ്റവും ഒടുവിലത്തേതാണ് ഇത്. അതേസമയം 2021 ഒക്ടോബറിൽ സൈന്യവും റാപ്പിഡ് സപ്പോർട്ട് ഫോഴ്‌സും (ആർഎസ്എഫും) സംയുക്തമായി സൈനിക അട്ടിമറിയിലൂടെയാണ് സുഡാനിലെ ഭരണം പിടിച്ചെടുത്തത്. എന്നാൽ ഇരു സൈന്യവും തമ്മിലുള്ള പ്രശ്‌നങ്ങൾ തുടക്കമാവുന്നത് ഇവിടെ നിന്നാണ്.
പിന്നീട് സുഡാനിൽ സൈനിക മേധാവി ജനറൽ അബ്‌ദുൾ-ഫത്താഹ് ബുർഹാനും അർധസൈനിക ദ്രുത സപ്പോർട്ട് ഫോഴ്‌സിന്‍റെ കമാൻഡർ ജനറൽ മുഹമ്മദ് ഹംദാൻ ദഗാലോയും തമ്മിൽ അധികാരത്തിന്‍റെ പേരിൽ സംഘർഷം പൊട്ടിപ്പുറപ്പെട്ടാൻ തുടങ്ങി. രണ്ട് ജനറലുകളും സൈനിക അട്ടിമറിയിലൂടെ ഒരു പരിവർത്തന ഗവൺമെന്‍റിനെ നീക്കം ചെയ്‌തതിന് 18 മാസങ്ങൾക്ക് ശേഷമാണ് യുദ്ധം ഉണ്ടായത്.
2019 ഏപ്രിലിൽ സ്വേച്ഛാധിപതിയായ ഒമർ അൽ-ബഷീറിനെ അട്ടിമറിക്കാൻ നിർബന്ധിതനായ ഒരു ജനകീയ പ്രക്ഷോഭത്തെ തുടർന്ന് സുഡാനിന്‍റെ ജനാധിപത്യത്തിലേക്കുള്ള ഹ്രസ്വകാല ദുർബലമായ പരിവർത്തനത്തിന്‍റെ ഭാഗമായി സംയുക്തമായ സൈനിക അട്ടിമറിയിലൂടെയാണ് ഭരണം പിടിച്ചെടുത്തത്.
അതേസമയം കഴിഞ്ഞ മാസം അവസാനം സൗദി അറേബ്യയിലെ ചർച്ചയിലേക്ക് യുദ്ധം ചെയ്യുന്ന കക്ഷികൾ തിരിച്ചെത്തിയെങ്കിലും സമീപ ആഴ്‌ചകളിൽ ഡാർഫറിൽ പ്രദേശത്തുടനീളമുള്ള മുഴുവൻ നഗരങ്ങളും പട്ടണങ്ങളും ആർഎസ്എഫ് ഏറ്റെടുത്തിരുന്നു.
വെടിനിർത്തൽ അവസാനിപ്പിക്കുന്നതിൽ യുഎസിന്‍റെയും സൗദി അറേബ്യയുടെയും മധ്യസ്ഥതയിൽ നടന്ന ആദ്യ ചർച്ചകൾ പരാജയപ്പെടുകയായിരുന്നു. പട്ടണത്തിലെ സൈനിക താവളം ആർഎസ്എഫ് ഏറ്റെടുത്തതിന് പിന്നാലെയാണ് ദിവസങ്ങൾ നീണ്ടുനിന്ന ആക്രമണമെന്ന് വെസ്‌റ്റ്‌ ഡാർഫറിലെ സുഡാനീസ് ഡോക്‌ടേഴ്‌സ് യൂണിയൻ തലവൻ സലാ ടൂർ പറഞ്ഞു. അതേസമയം സൈനിക താവളത്തിൽ നിന്ന് പിന്മാറിയെന്നും രണ്ട് ഡസനോളം സൈനികർ ചാഡിലേക്ക് പലായനം ചെയ്‌തതായും പട്ടണം അക്രമാസക്തമായി ആക്രമിച്ചുന്നും അദ്ദേഹം പറഞ്ഞു.
സൈനിക താവളം പിടിച്ചെടുത്തതിന് ശേഷം ആർഎസ്എഫും അവരുടെ സഖ്യകക്ഷിയായ അറബ് മിലിഷ്യകളും പട്ടണത്തില്‍ ആക്രമണം നടത്തുകയും അറബികളല്ലാത്തവരെ അവരുടെ വീടുകൾക്കുള്ളിൽ കൊല്ലുകയും കുടിയൊഴിപ്പിക്കപ്പെട്ട ആളുകളെ പാർപ്പിച്ച അഭയകേന്ദ്രങ്ങൾ കത്തിക്കുകയും ചെയ്‌തെന്ന് ടൂർ പറഞ്ഞു. എന്നാൽ ഇതുമായി ബന്ധപ്പെട്ട ഫോൺ കോളുകളോട് സൈന്യത്തിന്‍റെയും ആർഎസ്എഫിന്‍റെയും വക്താക്കൾ പ്രതികരിച്ചിട്ടില്ല. അതേസമയം അർദമാറ്റയിൽ ആർഎസ്എഫ് പ്രതിരോധമില്ലാത്ത സാധാരണക്കാർക്കെതിരെ ഗുരുതരമായ ലംഘനങ്ങൾ നടത്തിയതായി അഭിഭാഷക ഗ്രൂപ്പായ ഡാർഫർ ബാർ അസോസിയേഷൻ ആരോപിച്ചിട്ടുണ്ട്.
