സ്‌പെയിനില്‍ 24 മണിക്കൂറിനുള്ളിൽ 838 കൊവിഡ്‌ മരണങ്ങൾ

സ്ഥിരീകരിച്ച മൊത്തം കേസുകളുടെ എണ്ണം 78,797 ആയി ഉയർന്നു. ഒരു ദിവസം 9.1 ശതമാനം വർദ്ധനവ്‌.

മാഡ്രിഡ്‌: സ്‌പെയിനില്‍ 24 മണിക്കൂറിനിടെ 838 കൊവിഡ്‌ മരണങ്ങൾ സ്ഥിരീകരിച്ചു. ആരോഗ്യ മന്ത്രാലയത്തിന്‍റെ കണക്കുകൾ പ്രകാരം ഇതോടെ മരണസംഖ്യ 6,528 ആയി. സ്ഥിരീകരിച്ച മൊത്തം കേസുകളുടെ എണ്ണം 78,797 ആയി ഉയർന്നു. ഒരു ദിവസം 9.1 ശതമാനം വർദ്ധനവാണ്‌ ഉണ്ടായത്.

ബർബൻ-പാർമയിലെ സ്‌പാനിഷ് രാജകുമാരി മരിയ തെരേസ കൊവിഡ്‌ 19 മൂലം അന്തരിച്ച ആദ്യത്തെ രാജകീയ അംഗമായി മാറി. സ്പെയിനിലെ രാജാവ് ഫെലിപ്പ് ആറാമന്‍റെ പരിശോധനാ ഫലം നെഗറ്റീവ് ആയതിന് ആഴ്‌ചകൾക്ക് ശേഷമാണ് തെരേസ രാജകുമാരിയുടെ മരണം.