വെല്ലിങ്ടൺ: ന്യൂസിലാന്‍റിൽ എട്ട് പുതിയ കൊവിഡ് കേസുകൾ കൂടി റിപ്പോർട്ട് ചെയ്തു. സമ്പർക്കത്തിലൂടെയുള്ള കൊവിഡ് കേസുകൾ റിപ്പോർട്ട് ചെയ്തിട്ടില്ല. നിലവിൽ രാജ്യത്ത് 59 സജീവ കൊവിഡ് കേസുകളാണ് ഉള്ളത്. രാജ്യത്ത് ഇതുവരെ 1,683 കൊവിഡ് കേസുകളാണ് റിപ്പോർട്ട് ചെയ്തതെന്ന് മന്ത്രാലയം അറിയിച്ചു.
അതേസമയം, ഇന്ത്യയിൽ 44,376 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 92,22,217 ആയി. 24 മണിക്കൂറിനുള്ളിൽ 481 മരണങ്ങൾ കൂടി സ്ഥിരീകരിച്ചതോടെ ആകെ മരണസംഖ്യ 1,34,699 ആയി. 86,42,771 പേർ രോഗമുക്തി നേടിയപ്പോൾ 4,44,746 പേർ ചികിത്സയിൽ തുടരുന്നു. രാജ്യത്ത് ഇതുവരെ 13,48,41,307 സാമ്പിളുകൾ പരിശോധിച്ചു. 11,59,032 പുതിയ സാമ്പിളുകൾ പരിശോധിച്ചതായി ഐസിഎംആർ അറിയിച്ചു.
