തമോഗർത്തത്തിന്‍റെ ആദ്യ ചിത്രം പുറത്ത് വിട്ട് ശാസ്ത്ര ലോകം

പതിനെട്ടാം നൂറ്റാണ്ട് മുതൽ ശാസ്ത്രജ്ഞർ തമോഗർത്തങ്ങളെക്കുറിച്ച് പഠിക്കുന്നുണ്ടെങ്കിലും ഇതാദ്യമായാണ് ഒരു തമോഗർത്തത്തിന്‍റെ ചിത്രം എടുക്കുന്നത്. ലോകത്തിന്‍റെ വിവിധ സ്ഥലങ്ങളിൽ സ്ഥാപിച്ച എട്ട് ദൂരദർനികളുടെ സഹായത്തോടെയാണ് ചിത്രം എടുത്തത്.

പാരിസ് :

ബഹിരാകാശത്തിലെ വലിയൊരു ചുഴിയാണ് തമോഗർത്തം. വളരെ ഉയർന്ന മാസുള്ള നക്ഷത്രങ്ങളാണ് തമോഗർത്തങ്ങളായി മാറുന്നത്. ഇതിന്‍റെ പരിധിയിൽ വരുന്ന എല്ലാ വസ്തുക്കളെയും തമോഗർത്തം വലിച്ചെടുക്കും . ഭൂമിയിൽ നിന്ന് 500 മില്ലിൺ ട്രില്യൺ കിലോമീറ്ററുകൾക്ക് അകലെയുള്ള തമോഗർത്തത്തിന്‍റെ ചിത്രമാണ് ഇപ്പൊള്‍ പകർത്തിയിരിക്കുന്നത്. എം 87 എന്ന ഗാലക്‌സിയിലാണ് ഇത് സ്ഥിതി ചെയ്യുന്നത് .

സൂര്യനേക്കാൾ 6 .5 ബില്യൺ മടങ് അധികമാണ് ഈ ഗർത്തത്തിന്‍റെ പിണ്ഡം . സൗരയൂഥത്തെക്കാൾ വലുതാണ് ഈ തമോഗർത്തം എന്നും ഗവേഷകർ പറയുന്നു.