റിയോ ഡി ജനീറോ: ബ്രസീലിൽ 1899 കൊവിഡ് മരണം കൂടി റിപ്പോർട്ട് ചെയ്‌തു. ഇതോടെ രാജ്യത്തെ ആകെ കൊവിഡ് മരണം 448,208 ആയെന്ന് ആരോഗ്യമന്ത്രാലയം അറിയിച്ചു. രാജ്യത്ത് പുതുതായി 76,490 പേർക്ക് കൂടി കൊവിഡ് സ്ഥിരീകരിച്ചതോടെ ആകെ കൊവിഡ് ബാധിതരുടെ എണ്ണം 16,047,439 ആയി.
ആരോഗ്യമന്ത്രാലയം പുറത്തുവിടുന്ന കണക്കുകൾ പ്രകാരം 100,000 പേരിൽ 213.3 കൊവിഡ് മരണ നിരക്കാണ് ബ്രസീലിലേത്. ലോകത്ത് ഏറ്റവും കൂടുതൽ കൊവിഡ് മരണം റിപ്പോർട്ട് ചെയ്യുന്ന രണ്ടാമത്തെ രാജ്യമാണ് ബ്രസീൽ. സൗത്ത് അമേരിക്കൻ രാജ്യങ്ങളിലും പുതിയ കൊവിഡ് തരംഗം റിപ്പോർട്ട് ചെയ്യുകയാണ്. ഇതിൽ ദിനം പ്രതിയുള്ള കൊവിഡ് കേസുകളിലും കൊവിഡ് മരണങ്ങളിലും വലിയ ഉയർച്ചയാണ് റിപ്പോർട്ട് ചെയ്യുന്നത്.
