ഹൈദരാബാദ്: ലോകത്താകെ കൊവിഡ് ബാധിച്ചവരുടെ എണ്ണം 4,14,87,185 ആയി. ഇതുവരെ 11,36,341പേരാണ് കൊവിഡ് മൂലം മരിച്ചത്. 3,09,14,158 പേര്‍ ഇതുവരെ കൊവിഡ് രോഗവിമുക്തി നേടി. കൊവിഡ് കേസുകളില്‍ ഒന്നാം സ്ഥാനത്ത് തുടരുന്ന യുഎസില്‍ 85,84,819 കേസുകള്‍ റിപ്പോര്‍ട്ട് ചെയ്‌തിട്ടുണ്ട്. യുഎസില്‍ മാത്രം 2,27,409 പേരാണ് ഇതുവരെ മരിച്ചത്. രണ്ടാം സ്ഥാനം തുടരുന്ന ഇന്ത്യയില്‍ 77,06,946 കേസുകളാണ് സ്ഥിരീകരിച്ചത്. തുടര്‍ച്ചയായി രണ്ട് ദിവസങ്ങളിലായി ചെക്ക് റിപ്പബ്‌ളിക്കില്‍ കൊവിഡ് കേസുകളില്‍ വര്‍ധനവ് രേഖപ്പെടുത്തിയിട്ടുണ്ട്. രാജ്യത്ത് യാത്രാനിയന്ത്രണവും മാളുകളും ഹോട്ടലുകളടക്കമുള്ള സ്ഥാപനങ്ങള്‍ക്ക് കടുത്ത നിയന്ത്രണവും സര്‍ക്കാര്‍ വ്യാഴാഴ്‌ച മുതല്‍ ഏര്‍പ്പെടുത്തിയിട്ടുണ്ട്.
