സിറിയ: വടക്കൻ സിറിയയില്‍ കാര്‍ ബോംബ് പൊട്ടിത്തെറിച്ച് 10 പേര്‍ കൊല്ലപ്പെട്ടു. 25 പേര്‍ക്ക് പരിക്കേറ്റു. തുർക്കിയുമായി അതിര്‍ത്തി പങ്കിടുന്ന താല്‍ അബിയാദിലാണ് സ്‌ഫോടനമുണ്ടായത്. കുര്‍ദിഷ് വിമത പോരാളികളില്‍ നിന്ന് ഈ കഴിഞ്ഞ ഒക്ടോബറില്‍ സിറിയൻ നഗരം തുര്‍ക്കി പോരാളികള്‍ പിടിച്ചെടുത്തിരുന്നു. ഇതിന് പ്രതികാരമായാണ് ബോംബ് ആക്രമണമുണ്ടായതെന്നാണ് തുര്‍ക്കി പ്രതിരോധ മന്ത്രാലയത്തിന്‍റെ വിശദീകരണം.
ഈ മാസം നടക്കുന്ന മൂന്നാമത്തെ കാര്‍ ബോംബ് ആക്രമണമാണിത്. ഈ സ്ഫോടനങ്ങളില്‍ 21പേര്‍ കൊല്ലപ്പെട്ടിരുന്നു.
തീവ്രവാദ സംഘടനകളും വിമതരും സര്‍ക്കാരും തമ്മില്‍ 2011 മുതല്‍ സിറിയയില്‍ പോരാട്ടം നടക്കുന്നുണ്ട്. മേഖലയില്‍ സമാധാനം കൊണ്ടുവരാൻ രൂപീകരിച്ച സിറിയൻ കോണ്‍സ്റ്റിറ്റ്യൂഷണല്‍ കമ്മിറ്റിയുടെ രണ്ടാം ഘട്ട യോഗം നവംബര്‍ 25ന് തുടങ്ങാനിരിക്കെയാണ് സംഭവം.
