ടോക്കിയോ: ജാപ്പനീസ് തീരത്ത് പിടിച്ചിട്ടിരിക്കുന്ന ഉല്ലാസക്കപ്പലിലെ ഇന്ത്യക്കാര്‍ക്കും കൊവിഡ് 19 (കൊറോണ) സ്ഥിരീകരിച്ചതായി റിപ്പോര്‍ട്ട്. രണ്ട് ഇന്ത്യക്കാര്‍ക്കാണ് വൈറസ് ബാധ സ്ഥിരീകരിച്ചിരിക്കുന്നത്. ഡയമണ്ട് പ്രിന്‍സസ് എന്ന ക്രൂയിസ് കപ്പലില്‍ യാത്രക്കാരും ജീവനക്കാരുമായി 132 ഇന്ത്യക്കാരാണ് ഉള്ളത്.
കഴിഞ്ഞയാഴ്ച ജാപ്പനീസ് തീരത്ത് നങ്കൂരമിട്ട ഡയമണ്ട് പ്രിന്‍സസില്‍ 3,711 പേരാണുള്ളത്. ഇതില്‍ 174 പേര്‍ക്ക് രോഗം സ്ഥിരീകരിച്ചിരുന്നു. അതേസമയം കൂടുതല്‍പേര്‍ക്ക് രോഗം പകരാതിരിക്കാനുള്ള മുന്‍കരുതലുകള്‍ സ്വീകരിച്ചിട്ടുള്ളതായാണ് റിപ്പോർട്ട്.
