അഫ്‌ഗാനിസ്ഥാനിൽ വ്യോമാക്രമണം; 13 താലിബാൻ തീവ്രവാദികൾ കൊല്ലപ്പെട്ടു

അഫ്‌ഗാൻ സർക്കാരുമായുള്ള യുഎസ് സമാധാന കരാറിന്‍റെ ഭാഗമായി അടുത്തിടെ മോചിപ്പിക്കപ്പെട്ട ഒരു താലിബാൻ നേതാവും ആക്രമണത്തിൽ കൊല്ലപ്പെട്ടു

കാബൂൾ: അഫ്‌ഗാനിസ്ഥാനിലെ നംഗർഹാർ പ്രവിശ്യയിൽ വ്യോമാക്രമണത്തിൽ 13 താലിബാൻ തീവ്രവാദികൾ കൊല്ലപ്പെട്ടു. അഫ്‌ഗാൻ സർക്കാരുമായുള്ള യുഎസ് സമാധാന കരാറിന്‍റെ ഭാഗമായി അടുത്തിടെ മോചിപ്പിക്കപ്പെട്ട ഒരു താലിബാൻ നേതാവും ആക്രമണത്തിൽ കൊല്ലപ്പെട്ടതായി പ്രവിശ്യാ പ്രസ് ഓഫീസ് അറിയിച്ചു.

കഴിഞ്ഞ ഫെബ്രുവരിയിലാണ് താലിബാനും അഫ്‌ഗാൻ സർക്കാരും ദോഹയിൽ അമേരിക്കയുടെ മധ്യസ്ഥതയിൽ സമാധാന ചർച്ചകൾ നടത്തിയത്.