വാഷിങ്ടൺ: കൊവിഡ്-19 വൈറസ് ബാധിച്ച് അമേരിക്കയില്‍ ഒരാൾ മരിച്ച സാഹചര്യത്തില്‍ യാത്രാവിലക്ക് കര്‍ശനമാക്കിയതായി യു.എസ് ഭരണകൂടം. ഇറാൻ, ഇറ്റലി, ദക്ഷിണകൊറിയ എന്നീ രാജ്യങ്ങളെ വിലക്ക് ബാധിക്കും. ഇറാനിൽ നിന്നുള്ള യാത്രക്കാര്‍ക്ക് 14 ദിവസത്തേക്ക് കൂടി നിരോധനം നീട്ടിയതായി വൈസ് പ്രസിഡന്‍റ് മൈക്ക് പെൻസ് അറിയിച്ചു. കൊവിഡ് 19 ബാധ റിപ്പോർട്ട് ചെയ്ത ഇറ്റലി, ദക്ഷിണകൊറിയ എന്നീ രാജ്യങ്ങളിലേക്ക് അമേരിക്കൻ പൗരന്മാര്‍ യാത്ര നടത്തരുതെന്നും അദ്ദേഹം നിർദേശിച്ചിട്ടുണ്ട്.
ചൈനയിൽ നിന്ന് വരുന്നവർക്ക് യു.എസ് നേരത്തെ തന്നെ വിലക്കേർപ്പെടുത്തിയിരുന്നു. കഴിഞ്ഞ ദിവസമാണ് അമേരിക്കയിൽ കൊവിഡ് 19 ബാധിച്ച് ഒരാൾ മരിച്ചത്. കാലിഫോർണിയ, ഒറിഗോൺ, വാഷിങ്ടൺ നഗരങ്ങളിലാണ് വൈറസ് ബാധ നിലവിൽ റിപ്പോർട്ട് ചെയ്യപ്പെട്ടിട്ടുള്ളത്. ലോകത്ത് 85,000 പേര്‍ക്കാണ് കൊറാണ വൈറസ് സ്ഥിരീകരിച്ചത്. ഇതില്‍ 2900 പേര്‍ മരിച്ചതായാണ് റിപ്പോര്‍ട്ട്.
