ലോകത്താകെ ഒമിക്രോണ്‍ വകഭേദം കൊവിഡ് കേസുകള്‍ വര്‍ധിപ്പിക്കുകയാണ്‌. എന്നാല്‍ അമേരിക്കയും ഇംഗ്ലണ്ടുമടക്കം പല രാജ്യങ്ങളിലും കൊവിഡ് രോഗികളുടെ സമ്പര്‍ക്ക വിലക്ക്‌ കുറച്ചിരിക്കുകയാണ്‌. സമ്പര്‍ക്ക വിലക്ക്‌ കുറച്ചത്‌ ശാസ്തീയമായ വിവരങ്ങളുടെ അടിസ്ഥാനത്തില്‍ അല്ല മറിച്ച്‌ സാമ്പദ്‌വ്യവസ്ഥയ്‌ക്ക്‌ കൂടുതല്‍ ആഘാതമേല്‍ക്കാതിരിക്കാന്‍ വേണ്ടിയാണ്‌.
ഒമിക്രോണ്‍ ബാധിതരില്‍ പല രാജ്യങ്ങളിലായി നടന്ന 79 പഠനങ്ങളുടെ വിശകലനം വ്യക്‌തമാക്കുന്നത്‌ പത്ത്‌ ദിവസത്തെ സമ്പര്‍ക്ക വിലക്കാണ്‌ കൊവിഡ് പ്രതിരോധത്തിന്‌ ആവശ്യം എന്നാണ്‌. എന്നാല്‍ അമേരിക്ക സമ്പര്‍ക്ക വിലക്ക്‌ അഞ്ച്‌ ദിവസമായാണ്‌ കുറച്ചത്‌. യുകെയില്‍ പത്ത്‌ ദിവസമായിരുന്ന കൊവിഡ് രോഗികളുടെ സമ്പര്‍ക്ക വിലക്ക്‌ ഏഴ്‌ ദിവസമായി കുറച്ചു.
പ്രധാന കണ്ടെത്തല്‍ ഇതാണ്‌: ഒമിക്രോണ്‍ ബാധിക്കപ്പെട്ട്‌ ആദ്യത്തെ രണ്ട്‌ ദിവസം രോഗിയുടെ ശരീരത്തില്‍ വൈറല്‍ ലോഡ്‌ കുറവായിരിക്കും. മൂന്നാം ദിവസം മുതല്‍ ആറാം ദിവസം വരെ വൈറസ്‌ ലോഡ്‌ പാരമ്യത്തിലെത്തും. ഏഴാം ദിവസം തൊട്ട്‌ വൈറസ്‌ ലോഡ്‌ കുറഞ്ഞ്‌ വരുന്നു. പത്താം ദിവസം പൂര്‍ണമായും വൈറസ്‌ മുക്‌തമാകും എന്നാണ്‌.
എന്നാല്‍ ചില പഠനങ്ങളില്‍ രോഗലക്ഷണം കുറഞ്ഞ ഒമിക്രോണ്‍ രോഗികളില്‍ വൈറസ്‌ ശരീരത്തില്‍ നിന്ന്‌ മുക്തമാവാന്‍ പത്ത്‌ ദിവസം വേണ്ട എന്ന്‌ കണ്ടെത്തിയിട്ടുണ്ട്‌. എന്നാല്‍ എല്ലാവര്‍ക്കുമായുള്ള നയം ഇതിന്‍റെ അടിസ്ഥാനത്തില്‍ സ്വീകരിക്കുന്നത്‌ യുക്‌തമല്ല.
ALSO READ:Omicron Home Care: ഒമിക്രോണ്‍, കൊവിഡ്: രോഗികളും ക്വാറന്‍റൈനില്‍ ഉള്ളവരും ശ്രദ്ധിക്കേണ്ടവ
