കോംഗോയിൽ വിമാനം തകർന്നു വീണു; മൂന്ന് മരണം

കാവുമു വിമാനത്താവളത്തിൽ നിന്ന് ഷബുണ്ടയിലേക്ക് പുറപ്പെടുകയായിരുന്ന വിമാനം ടേക്ക് ഓഫ് ചെയ്തതിന് ശേഷമാണ് തകർന്നുവീണത്.

കിൻഷാസാ: കോംഗോയിലെ സൗത്ത് കിവു പ്രവിശ്യയിലെ കാവുമു വിമാനത്താവളത്തിൽ ചെറുവിമാനം തകർന്നു വീണു. ബുധനാഴ്ചയുണ്ടായ അപകടത്തിൽ മൂന്ന് പേർ മരിച്ചുവെന്നാണ് ഔദ്യോഗിക വിവരം. എത്രപേർ വിമാനത്തിൽ ഉണ്ടായിരുന്നുവെന്നതിൽ വ്യക്തതയില്ല.

മരിച്ച മൂന്ന് പേരിൽ രണ്ട് പേർ വിമാനത്തിലെ ജീവനക്കാരാണ്. മരിച്ച ഒരാൾ വിമാനത്തിലെ യാത്രക്കാരനാണെന്നാണ് സ്ഥിരീകരണം. ബുധനാഴ്ച ഉച്ചയ്ക്ക് 12 മണിയോടെയാണ് അപകം നടന്നത്. കാവുമു വിമാനത്താവളത്തിൽ നിന്ന് ഷബുണ്ടയിലേക്ക് പുറപ്പെടുകയായിരുന്ന വിമാനം ടേക്ക് ഓഫ് ചെയ്തതിന് ശേഷമാണ് തകർന്നുവീണത്.