മൊഗാദിഷു: മധ്യ സൊമാലിയയിലെ ഒരു പട്ടണത്തിൽ നടന്ന ചാവേർ ആക്രമണത്തിൽ രണ്ട് സൈനികർ ഉൾപ്പെടെ ഏഴ് പേർ കൊല്ലപ്പെട്ടു. നിരവധി പേർക്ക് പരിക്കേൽക്കുകയും ചെയ്തു. തുറമുഖ നഗരമായ ഹോബിയോയുടെ വടക്കുപടിഞ്ഞാറ് വിസിൽ എന്ന ചെറുപട്ടണത്തിലാണ് അൽ-ഷബാബ് തീവ്രവാദികൾ ആക്രമണം നടത്തിയത്. അഞ്ച് പ്രദേശവാസികളും രണ്ട് സൈനികരുമാണ് കൊല്ലപ്പെട്ടത്.
Also read: പാകിസ്ഥാൻ ചാരനെന്ന് സംശയം; രാജസ്ഥാനില്‍ ഒരാള്‍ അറസ്റ്റില്‍
ആക്രമണത്തിൽ അൽ-ഷബാബ് തീവ്രവാദികൾക്കും കനത്ത നഷ്ടം സംഭവിച്ചുവെന്ന് സൈനികർ വൃത്തങ്ങൾ അറിയിച്ചു. തീവ്രവാദികളിൽ എത്ര പേർ കൊല്ലപ്പെട്ടുവെന്ന് സ്ഥിരീകരിച്ചിട്ടില്ല. സൈനിക ക്യാമ്പിനടുത്ത് തീവ്രവാദികൾ സ്ഫോടക വസ്തുക്കൾ നിറച്ച കാറുമായി എത്തിയാണ് ആക്രമണം നടത്തിയതെന്നാണ് വിവരം.
