ക്വീൻ എലിസബത്ത് കാണാനെത്തിയ പ്രേക്ഷകർക്കിടയിലേക്ക് സർപ്രൈസ് ആയി താരങ്ങൾ. മീര ജാസ്‌മിൻ, നരേൻ തുടങ്ങിയവരെ കേന്ദ്ര കഥാപാത്രങ്ങളാക്കി എം പത്മകുമാർ സംവിധാനം ചെയ്‌ത ചിത്രമായ ക്വീൻ എലിസബത്ത് തിയേറ്ററുകളിൽ എത്തി (Queen Elizabeth movie, Meera Jasmin and Narain at Padma theatre). ചിത്രം കാണാനെത്തിയ പ്രേക്ഷകർക്കിടയിലേക്ക് സർപ്രൈസായി താരങ്ങൾ കഴിഞ്ഞ ദിവസം എറണാകുളം പത്മ തിയേറ്ററിൽ എത്തിച്ചേർന്നു. ചിത്രത്തിന് മികച്ച പ്രതികരണമാണ് ലഭിക്കുന്നത്.
അച്ചുവിന്‍റെ അമ്മ (Achuvinte Amma), മിന്നാമിന്നിക്കൂട്ടം (Minnaminnikoottam), ഒരേ കടൽ (Ore Kadal) തുടങ്ങിയ ചിത്രങ്ങൾക്ക് ശേഷം മീര ജാസ്‌മിനും (Meera Jasmin) നരേനും (Narain) ഒന്നിച്ചെത്തുന്ന എത്തുന്ന ചിത്രം കൂടിയാണിത്. സിനിമയ്ക്ക് മികച്ച പ്രേക്ഷക പ്രതികരണം ലഭിക്കുന്നുണ്ടെന്നും നരേൻ അടുത്ത സുഹൃത്തായതുകൊണ്ട് തന്നെ തങ്ങളുടെ ഓൺ സ്ക്രീൻ കെമിസ്ട്രി മികച്ച രീതിയിൽ പ്രേക്ഷകർക്ക് അനുഭവപ്പെടുമെന്ന് മീര ജാസ്‌മിൻ മാധ്യമങ്ങളോട് പറഞ്ഞു.
റൊമാന്‍റിക് - കോമഡി എന്‍റർടെയിനറായാണ് ചിത്രം അണിയിച്ചൊരുക്കിയിരിക്കുന്നത്. തങ്ങളുടെ പ്രിയപ്പെട്ട ഓൺസ്‌ക്രീൻ ജോഡി, മീര ജാസ്‌മിനും നരേനും മടങ്ങിയെത്തിയതിന്‍റെ ആവേശത്തിലാണ് ആരാധകർ. തന്‍റെ കരിയറിൽ ഇതുവരെ സംവിധാനം ചെയ്‌ത ചിത്രങ്ങളിൽ നിന്നും തീർത്തും വ്യത്യസ്‌തമായ ജോണറിലാണ് എം പത്മകുമാർ 'ക്വീൻ എലിസബത്ത്' എന്ന ചിത്രം ഒരുക്കിയിരിക്കുന്നത്.
