തമിഴിലെ ശ്രദ്ധേയ താരം യോഗി ബാബു (Yogi Babu) കേന്ദ്ര കഥാപാത്രത്തെ അവതരിപ്പിക്കുന്ന 'ലക്കി മാൻ' (Lucky Man) ചിത്രത്തിലെ ആദ്യ ഗാനം പുറത്ത്. 'നാമധാൻ രാജ' എന്ന് തുടങ്ങുന്ന ഗാനത്തിന്‍റെ ലിറിക്കൽ വീഡിയോയാണ് (Naamadhan Raja Lyric Video) അണിയറ പ്രവർത്തകർ പുറത്തുവിട്ടത്. സമീപ കാലത്ത് അത്യുഗ്രൻ പ്രകടനത്തിലൂടെ കയ്യടി നേടിയ യോഗി ബാബുവിന്‍റെ മറ്റൊരു മികച്ച ചിത്രത്തിനായുള്ള കാത്തിരിപ്പിലാണ് ആരാധകർ.
- " class="align-text-top noRightClick twitterSection" data="">
റേഡിയോ ജോക്കിയില്‍ നിന്നും നടനായി മാറിയ ബാലാജി വേണുഗോപാലാണ് (Balaji Venugopal) 'ലക്കി മാൻ' എന്ന ഈ ചിത്രം സംവിധാനം ചെയ്യുന്നത്. അദ്ദേഹത്തിന്‍റെ ആദ്യ സംവിധാന സംരഭം കൂടിയാണ് ഈ ചിത്രം. വളരെ രസകരമായി അണിയിച്ചൊരുക്കിയ ചിത്രമാണ് 'ലക്കി മാൻ' എന്ന് സംവിധായകൻ നേരത്തെ വ്യക്തമാക്കിയിരുന്നു.
'ലക്കി മാൻ വീട്ടിലുണ്ടാക്കുന്ന ഹൃദ്യമായ ഒരു ഭക്ഷണം പോലെയായിരിക്കും. രസകരമായ ഘടകത്തെ നിലനിർത്തിക്കൊണ്ട് തന്നെ സാമൂഹിക പ്രസക്തിയുള്ള ഒന്നിലധികം തീമുകൾ സിനിമയിൽ സന്നിവേശിപ്പിക്കാൻ ഞാൻ ശ്രമിച്ചിട്ടുണ്ട്. ഒരു ബ്രോക്കറെക്കുറിച്ചാണ് എന്‍റെ കഥ. അദ്ദേഹത്തിന്‍റെ ജീവിതത്തിലെ സംഭവങ്ങൾ യാഥാർഥ്യബോധത്തോടെ സിനിമയിൽ അവതരിപ്പിക്കാൻ ഞാൻ ശ്രമിച്ചിട്ടുണ്ട്' - അടുത്തിടെ ഒരു മാധ്യമത്തിന് നൽകിയ അഭിമുഖത്തില്‍ സംവിധായകൻ ബാലാജി വേണുഗോപാലൻ പറഞ്ഞു.
അതേസമയം ഇപ്പോൾ പുറത്തുവന്ന ഗാനം മികച്ച പ്രതികരണമാണ് നേടുന്നത്. സീൻ റോൾഡനാണ് (Sean Roldan) ഈ ഗാനത്തിന് ഈണം പകർന്നതും ആലപിച്ചതും. ഗാന രചയിതാവും സീൻ റോൾഡൻ തന്നെ.
READ ALSO: 'വിമർശകരോട് ടെലിവിഷനിലെ കോമഡി കൗണ്ടർ കിങിന് പറയാനുണ്ട്'; അനീഷ് സാരഥി ഇടിവി ഭാരതിനോട്
യോഗി ബാബുവിനൊപ്പം 'രാജരത്‌നം' ഫെയിം വീര (Veera), 'കടൈസി വിവസായി' ഫെയിം റേച്ചൽ റെബേക്ക (Raichal Rabecca), അബ്‌ദൂൾ ലീ (Abdool Lee), ആർ എസ് ശിവജി (R S Shivaji) എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. അമിത് ഭാർഗവ്, സാത്വിക് എന്നിവരും ചിത്രത്തില്‍ ശ്രദ്ധേയ വേഷത്തിലുണ്ട്.
ചിത്രത്തിന്‍റെ ഛായാഗ്രഹണം നിർവഹിച്ചിരിക്കുന്നത് സന്ദീപ് കെ വിജയ് ആണ്. എഡിറ്റിങ് മദൻ കൈകാര്യം ചെയ്യുന്നു. സംവിധായകനൊപ്പം കാർക്കിയും ചേർന്നാണ് ചിത്രത്തിന്‍റെ രചന നിർവഹിച്ചിരിക്കുന്നത്. അതേസമയം 'ലക്കി മാൻ' ചിത്രത്തിന്‍റെ റിലീസ് തിയതി നിർമാതാക്കൾ ഇതുവരെ പ്രഖ്യാപിച്ചിട്ടില്ല. ചിത്രത്തിന്‍റെ തിയേറ്റർ റിലീസിന് ശേഷമുള്ള ഡിജിറ്റൽ അവകാശം സ്വന്തമാക്കിയിരിക്കുന്നത് പ്രൈം വീഡിയോ ആണ്.
അടുത്തിടെയാണ് 'ലക്കി മാൻ' സിനിമയുടെ ഔദ്യോഗിക ടീസർ അണിയറ പ്രവർത്തകർ പുറത്തുവിട്ടത്. സിനിമയുടെ പ്രതീക്ഷകൾ ഉയർത്തുന്ന ടീസർ കൈയ്യടി നേടിയിരുന്നു. ഇപ്പോഴിതാ ആദ്യ ലിറിക്കൽ വീഡിയോയും പ്രേക്ഷകരുടെ മനം കവരുകയാണ്.
