കാത്തിരിപ്പിനൊടുവില്‍ വിജയ്‌യുടെ 'വാരിസ്' ട്രെയിലര്‍ എത്തി. ദളപതി ആരാധകരെ മാത്രമല്ല, കുടുംബ പ്രേക്ഷകരെയും തൃപ്‌തിപ്പെടുത്തുന്ന തരത്തിലാണ് ട്രെയിലര്‍. ഒരു ആക്ഷന്‍ ഫാമിലി എന്‍റര്‍ടെയ്‌നര്‍ ചിത്രമാകും 'വാരിസ്' എന്നാണ് ട്രെയിലര്‍ നല്‍കുന്ന സൂചന.
രണ്ടര മിനിറ്റ്‌ ദൈര്‍ഘ്യമുള്ള ട്രെയിലറില്‍ വിജയ്‌യുടെ മാസ്‌ ആക്ഷന്‍ രംഗങ്ങളും, നര്‍മ മുഹൂര്‍ത്തങ്ങളും കാണാനാകും. ഒപ്പം വില്ലനായെത്തുന്ന പ്രകാശ് രാജും ട്രെയിലറില്‍ ഹൈലൈറ്റാകുന്നുണ്ട്. 13 വര്‍ഷങ്ങള്‍ക്ക് ശേഷം പ്രകാശ് രാജും വിജയ്‌യും ഒന്നിക്കുന്നത് സിനിമയുടെ പ്രത്യേകതകളിലൊന്നാണ്.
നായികയായി രശ്‌മിക മന്ദാനയും ട്രെയിലറില്‍ പ്രത്യക്ഷപ്പെടുന്നുണ്ട്. എസ്‌. ജെ സൂര്യയും ചിത്രത്തില്‍ വേഷമിടുന്നുണ്ട്. വിജയ്‌യും എസ്‌.ജെ സൂര്യയും ഒന്നിക്കുന്ന നാലാമത്തെ ചിത്രം കൂടിയാണ് വാരിസ്. കൂടാതെ പ്രഭു, ജയസുധ, ഖുശ്‌ബു, ശ്രീകാന്ത്, യോഗി ബാബു, ശ്യാം, സംഗീത കൃഷ്‌, സംയുക്ത തുടങ്ങിയവരും ചിത്രത്തില്‍ അണിനിരക്കും.
- " class="align-text-top noRightClick twitterSection" data="">
വളര്‍ത്തച്ഛന്‍റെ മരണത്തോടെ കോടിക്കണക്കിന് ഡോളര്‍ ബിസിനസ് സാമ്രാജ്യത്തിന് ഉടമയാകുന്ന വിജയ് രാജേന്ദ്രന്‍ എന്ന കഥാപാത്രത്തെയാണ് ചിത്രത്തില്‍ വിജയ് അവതരിപ്പിക്കുന്നത്. ശരത് കുമാറാണ് 'വാരിസില്‍ വിജയ്‌യുടെ അച്ഛനായെത്തുന്നത്. വംശി പൈഡിപ്പള്ളിയാണ് സിനിമയുടെ സംവിധാനം.
ശ്രീ വെങ്കടേശ്വര ക്രിയേഷന്‍സിന്‍റെ ബാനറില്‍ ദില്‍ രാജുവാണ് നിര്‍മാണം. കാര്‍ത്തിക് പളനി ഛായാഗ്രഹണവും പ്രവീണ്‍ കെ.എല്‍ എഡിറ്റിങ്ങും നിര്‍വഹിക്കുന്നു. പൊങ്കല്‍ റിലീസായി ജനുവരി 12നാണ് ചിത്രം തിയേറ്ററുകളിലെത്തുന്നത്. ഒരേ സമയം തമിഴിലും തെലുഗുവിലും വാരിസ് റിലീസിനെത്തും.
Also Read: 'ഖുഷ്‌ബുവിന്‍റെ സിനിമ കാണാന്‍ പോയത് കാമുകിക്കൊപ്പം'; ആരാധകരാണ് ലഹരി, വാരിസ് ഓഡിയോ ലോഞ്ചില്‍ വിജയ്
