Kathivanoor Veeran after Kantara: വടക്കേ മലബാറിന്‍റെ പൈതൃക കലയായ തെയ്യത്തെ പശ്ചാത്തലമാക്കി മലയാളത്തില്‍ പുതിയ സിനിമ ഒരുങ്ങുന്നു. ബിഗ്‌ ബജറ്റിലായി ഒരുക്കുന്ന ചിത്രത്തിന് 'കതിവനൂര്‍ വീരന്‍' എന്നാണ് പേരിട്ടിരിക്കുന്നത്. 'കെജിഎഫ്‌' ഫ്രാഞ്ചൈസിക്ക് ശേഷം കന്നഡ സിനിമയുടെ യശസ്സ് ഇന്ത്യ മുഴുവന്‍ എത്തിച്ച ആക്ഷന്‍ ത്രില്ലര്‍ ചിത്രം 'കാന്താര'യുടെ വന്‍ വിജയത്തിന് പിന്നാലെയാണ് 'കതിവനൂര്‍ വീരന്‍റെ' പ്രഖ്യാപനം.
Kathivanoor Veeran budget: പ്രമുഖ സംവിധായകന്‍ ഗിരീഷ് കുന്നുമ്മല്‍ ആണ് സിനിമയുടെ സംവിധാനം. ഏകദേശം 40 കോടിയോളം ചെലവ് പ്രതീക്ഷിക്കുന്ന പാന്‍ ഇന്ത്യന്‍ ചിത്രമായിരിക്കും 'കതിവനൂര്‍ വീരന്‍' എന്നാണ് സംവിധായകന്‍ ഗിരീഷ് കുന്നുമ്മല്‍ പറയുന്നത്. സൗത്ത് ഇന്ത്യയിലെ പ്രമുഖ താരങ്ങള്‍ അണിനിരക്കുന്ന ചിത്രം കൂടിയാണിത്‌. എന്നാല്‍ അഭിനേതാക്കളെ കുറിച്ചുള്ള കൂടുതല്‍ വിവരങ്ങള്‍ ലഭ്യമല്ല.
Theyyam based malayalam movie: തെയ്യ കോലത്തെ അത്യാധുനിക ദൃശ്യ ശബ്‌ദ മികവോടെ അനിര്‍വചനീയ തലത്തിലേക്ക് കൊണ്ടുപോകുന്ന ചിത്രമായിരിക്കും 'കതിവനൂര്‍ വീരന്‍' എന്നാണ് അണിയറപ്രവര്‍ത്തകര്‍ പറയുന്നത്. ടി പവിത്രന്‍, രാജ്‌മോഹന്‍ നീലേശ്വരം എന്നിവര്‍ ചേര്‍ന്നാണ് സിനിമയുടെ തിരക്കഥയും സംഭാഷണവും. മലയാളത്തിലെയും തമിഴിലെയും പ്രമുഖ സാങ്കേതിക പ്രവര്‍ത്തകര്‍ ചിത്രത്തിന്‍റെ ഭാഗമാകും.
Kathivanoor Veeran shooting: ഷാജി കുമാര്‍ ആണ് ഛായാഗ്രഹണം. മിഥുന്‍ മുകുന്ദന്‍ സംഗീതവും നിര്‍വഹിക്കും. 2023 അവസാനത്തോടെ സിനിമയുടെ ചിത്രീകരണം തുടങ്ങും. ചിത്രത്തിന്‍റെ പ്രീ പ്രൊഡക്ഷന്‍ ജോലികള്‍ ഇതിനോടകം തന്നെ ആരംഭിച്ചിട്ടുണ്ട്.
Also Read: 'ഞങ്ങളെ ഒരുതവണ പ്രശംസിച്ചാല്‍ നിങ്ങളെ 100 തവണ സ്‌തുതിക്കും'; രജനിയുടെ കാല്‍ തൊട്ട് ഋഷഭ്‌
