Mahesh Babu flexes biceps in new pic: സംവിധായകന്‍ ത്രിവിക്രമിന്‍റെ വരാനിരിക്കുന്ന പേരിടാത്ത പ്രോജക്‌ടിന്‍റെ തിരക്കിലാണിപ്പോള്‍ തെലുഗു സൂപ്പര്‍ താരം മഹേഷ് ബാബു. ഇപ്പോഴിതാ ജിമ്മില്‍ നിന്നുള്ള തന്‍റെ വര്‍ക്കൗട്ട് ചിത്രങ്ങള്‍ പങ്കുവച്ച് ഇന്‍സ്‌റ്റഗ്രാമില്‍ എത്തിയിരിക്കുകയാണ് താരം. ഒറ്റയ്‌ക്കുള്ളതും പരിശീലകനൊപ്പം ഉള്ളതുമായ രണ്ട് വര്‍ക്കൗട്ട് ചിത്രങ്ങളാണ് മഹേഷ് ബാബു പങ്കുവച്ചിരിക്കുന്നത്.
- " class="align-text-top noRightClick twitterSection" data="
">
Mahesh Babu with his trainer: ആദ്യ ചിത്രത്തില്‍ തന്‍റെ ബൈസെപ്സ് കാണിച്ച് ഫോട്ടോയ്‌ക്ക് പോസ്‌ ചെയ്യുന്ന താരത്തെയാണ് കാണാനാവുക. വര്‍ക്കൗട്ടിനിടെ തന്‍റെ പരിശീലകനും ഫിസിയോ തെറാപിസ്‌റ്റുമായ ഡോക്‌ടര്‍ മിനാഷ് ഗബ്രിയേലിനൊപ്പമുള്ളതാണ് രണ്ടാമത്തെ ചിത്രം. നീല സ്ലീവ്‌ലെസ് ടീ ഷര്‍ട്ടും, ചാര നിറമുള്ള ഷോര്‍ട്ടും, മെറൂണ്‍ നിറമുള്ള ഷൂസുമാണ് മഹേഷ് ധരിച്ചിരിക്കുന്നത്.
Mahesh captioned the post Arm day: 'ആം ഡേ' എന്ന അടിക്കുറിപ്പോടു കൂടിയാണ് മഹേഷ് ബാബു തന്‍റെ വര്‍ക്കൗട്ട് ചിത്രങ്ങള്‍ ഇന്‍സ്‌റ്റഗ്രാമില്‍ പങ്കുവച്ചിരിക്കുന്നത്. ബൈസെപ്‌സിന്‍റെ ഇമോജിയും താരം പങ്കുവച്ചിട്ടുണ്ട്. മഹേഷിന്‍റെ ഈ പോസ്‌റ്റിന് ഭാര്യ നമ്രത ശിരോദ്‌കറും പ്രതികരിച്ചിട്ടുണ്ട്. ഒരുകൂട്ടം ഫയര്‍ ഇമോജികളാണ് നമ്രത തന്‍റെ ഭര്‍ത്താവിന്‍റെ പോസ്‌റ്റിന് കമന്‍റ്‌ ചെയ്‌തിരിക്കുന്നത്.
Fans commented on Mahesh Babu post: ഹാര്‍ട്ട് ഇമോജികളും ഫയര്‍ ഇമോജികളും, രസകരമായ കമന്‍റുകളും കൊണ്ട് നിരവധി ആരാധകരും താരത്തിന്‍റെ കമന്‍റ്‌ ബോക്‌സ് നിറച്ചു. 'ബോളിവുഡിനായി അദ്ദേഹം ഒരുങ്ങിക്കഴിഞ്ഞു എന്നാണ് തോന്നുന്നത്' -ഒരു ആരാധകന്‍ കുറിച്ചു. 'ഇന്ത്യയിലെ മികച്ച സൂപ്പര്‍സ്‌റ്റാര്‍'-എന്ന് മറ്റൊരാളും കുറിച്ചു.
Mahesh left to Switzerland to celebrate wedding anniversary: തന്‍റെ വിവാഹ വാര്‍ഷികം ആഘോഷിക്കാനായി രണ്ടാഴ്‌ച മുമ്പ് മഹേഷ് സ്വിറ്റ്‌സര്‍ലന്‍ഡിലേയ്‌ക്ക് പോയിരുന്നു. ത്രിവിക്രമിനൊപ്പമുള്ള തന്‍റെ സിനിമയുടെ ആദ്യ ഷെഡ്യൂള്‍ പൂര്‍ത്തിയാക്കിയ ശേഷമാണ് താരം സ്വിറ്റ്‌സര്‍ലന്‍ഡിലേക്ക് പറന്നത്. ഇത് മൂന്നാം തവണയാണ് ത്രിവിക്രമുമായി മഹേഷ് ഒന്നിക്കുന്നത്. 'അതാടു', 'ഖേലീജ' എന്നിവയാണ് ഇവര്‍ ഒന്നിച്ച മറ്റ് ചിത്രങ്ങള്‍. നീണ്ട 12 വര്‍ഷത്തെ ഇടവേളയ്‌ക്ക് ശേഷമാണ് മഹേഷ് ബാബു ത്രിവിക്രമുമായി വീണ്ടും ഒന്നിക്കുന്നത് എന്നതും ശ്രദ്ധേയമാണ്.
Mahesh Babu s project with SS Bahubali: ബ്രഹ്മാണ്ഡ സംവിധായകന്‍ എസ് എസ് രാജമൗലിയുടെ സംവിധാനത്തിലൊരുങ്ങുന്ന പുതിയ പ്രോജക്‌ടിനെ കുറിച്ചുള്ള പ്രഖ്യാപനവും മഹേഷ് ബാബു നടത്തിയിരുന്നു. രാജമൗലിയുമായി മഹേഷ് ബാബു ഒന്നിക്കുന്നതിന്‍റെ സന്തോഷത്തിലാണ് ആരാധകര്‍.
Mahesh Babu and Deepika Padukone will star it together: രാജമൗലിയുടെ അച്ഛന്‍ കെ.വി വിജയേന്ദ്ര പ്രസാദ് ആണ് സിനിമയുടെ രചന നിര്‍വഹിച്ചിരിക്കുന്നത്. ബോളിവുഡ് താരം ദീപിക പദുക്കോണ്‍ സിനിമയില്‍ നായികയായി എത്തുമെന്നും അഭ്യൂഹമുണ്ട്.
SSMB29 updates: റിപ്പോര്‍ട്ടുകള്‍ സത്യമാണെങ്കില്‍ മഹേഷ് ബാബുവും ദീപികയും ഒന്നിച്ചെത്തുന്ന ചിത്രം കൂടിയാണിത്. 'എസ്‌എസ്എംബി 29' എന്ന് താല്‍ക്കാലികമായി പേരിട്ടിരിക്കുന്ന ചിത്രത്തിന്‍റെ നിര്‍മാണം ഈ വര്‍ഷം പകുതിയോടു കൂടി ആരംഭിക്കുമെന്നാണ് റിപ്പോര്‍ട്ടുകള്‍.
Also Read: രാജമൗലി ചിത്രത്തില്‍ മഹേഷ് ബാബുവിന്‍റെ നായികയായി ദീപിക പദുക്കോണ്‍? ആകാംഷയോടെ പ്രേക്ഷകര്‍
